Bak so prettige verjaardagkoeke vir kinders: van Mickey Muis tot Olaf die sneeuman
Doen moeite en bederf jou kind met ’n verjaardagkoek van ’n gunstelingDisney-karaktertjie
MOANA EN MAUI
LEWER 1 TWEELAAGKOEK, GENOEG VIR 30 PORSIES BEREIDING: 20 MIN. BAK: 40 MIN. AFKOEL: 30 MIN. KOEK 600 ml kookwater 150 g kakaopoeier 360 g botter, versag 625 ml (2½ k) strooisuiker 10 ml (2 t) vanieljegeursel 6 eiers 750 ml (3 k) bruismeel 10 ml (2 t) bakpoeier 2,5 ml (½ t) koeksoda ’n knippie sout VERSIERSEL basiese versiersel x 4 groen koskleursel blou koskleursel VIR VERSIERING 600 g sjokoladewafelbeskuitjies suikerblommetjies bruinsuiker Moana- en Maui-figuurtjie (jy kan dit by die meeste speelgoedwinkels koop) Voorverhit die oond tot 180 °C. Bespuit ’n 22 cm- en ’n 18 cm-koekpan met kossproei en voer die basisse met bakpapier uit.
1 Koek Meng die kookwater met die kakaopoeier en roer tot glad. Laat afkoel. 2 Verroom die botter en suiker tot donsig. Voeg die vanielje by en dan die eiers een vir een terwyl jy goed tussen elke byvoeging klits. 3 Sif die meel, bakpoeier, koeksoda en sout by die bottermengsel in en roer liggies tot net gemeng. Vou die afgekoelde kakao in. 4 Verdeel die beslag tussen die panne en bak 40 min. Laat 10 min. afkoel en keer dan op ’n draadrak uit om heelte-
mal af te koel. Sny albei koeke middeldeur.
5 Versiersel Vervierdubbel die basiese versierselresep. Kleur 1 koppie van die versiersel blou en ’n ander een groen, en hou eenkant. 6 Plak die 2 groot koekhelftes met van die versiersel op mekaar vas. Doen dieselfde met die 2 kleiner helftes. Plaas die klein koeke bo-op die grotes en bedek met die gewone botterversiersel. Dit hoef nie perfek te wees nie, want dit sal met die wafelbeskuitjies bedek word.
7 Vir versiering Pak die beskuitjies styf teen mekaar om die onderste en boonste laag van die koeke en laat ’n 15 cm-opening aan die voorkant. 8 Plaas ’n grastuit in ’n spuitsak en skep die groen versiersel in. Spuit “gras” om die rand van die onderste laag al langs die beskuitjies en aan die binnesirkel van die boonste laag al langs die beskuitjies. 9 Smeer blou versiersel met ’n paletmes van die bolaag na die onderkant om ’n waterval te vorm. Spuit dan nog gras al langs die kante en die boonste deel van die waterval. Pak suikerblomme op die gras langs die waterval. Strooi bruinsuiker op die boonste vlak, aan die binnekant van die gras en tussen die twee lae tussen die beskuitjies. Plaas die figuurtjies bo-op.