Jak de Priester se Sally Williams Nougat kry moderne baadjie as geskenk aan sy vrou
Dié sanger se ou treffer Sally Williams Nougat kry ’n moderne baadjie as geskenk aan sy vrou
Nuwe enkelsnit
Hy sal nooit in sy lewe ’n groter liefdesliedjie as sy 2003-treffer, Sally Williams Nougat, kan skryf nie, sê Jak de Priester (42). “Ná al die jare is dit steeds so gewild dat ek by elke vertoning gevra word om dit te sing. Dis ’n merkwaardige liedjie wat net aanhou en aanhou. Maar toe ek dit destyds opgeneem het, was ek nog onkundig en pure kind. Deur die jare groei jou stem en klank mos.”
Dis dié dat hy besluit het om dit oor op te neem en as enkelsnit uit te reik. “As ek vandag moet sterf, wil ek darem hê die liedjie moet klink asof dit vandag geskryf en vervaardig is.”
Hugo Ludik en Vaughan Gardiner het die verwerking gedoen en die klassieke treffer in ’n moderne popstyl geklee. Die mansgroep Adam, waarvan Hugo ook lid is, is ingeroep om deel van die harmonisering te wees.
Die ideale geskenk
Die nuut verwerkte ballade is op 16 November op iTunes uitgereik om saam te val met Jak en sy vrou, Michelle (ook 42), se 10de huweliksherdenking. “Dit is eintlik my geskenk aan haar,” sê hy. Dis die ideale geskenk, want hy het die liedjie 16 jaar gelede vir haar geskryf. “Ons het pas begin uitgaan en was smoorverlief toe sy vir twee jaar Londen toe is, waar sy verskillende werkies gedoen het,” vertel hy. “Ek was stukkend toe ek haar op die ie lughawe moes groet. Terug in my tuinwoonstel nstel in Groenkloof (Pretoria) het ek toe die liedjie djie geskryf oor wat ons alles saam gedoen het en wat ek gaan mis as ek haar nie weer sou sien en nie. Soos om Sally Williams-nougatsjokolade by die Groenkloof-Spar te gaan koop.”
Volgende in sy dagboek
Jak se Geel Jou u Hart vir Liefde-vertonings vind einde November mber in Die Boer in Durbanville, Kaapstad, en in Desember in Die Blou Hond in Pretoria plaas. aas.
Dié vertonings is om geld en kos vir verwaarloosde diere in te samel. ’n Deel van n die opbrengs word aan organisasies soos die Dierebeskermingsvereniging geskenk. Die gehoor kan ook dierekos skenk.
Daarna gaan hy, Michelle en hul kroos, oos, Jamie (8), Mija (7) en Mika (3), twee weke lank deur die Vrystaat, Oos- en Wes-Kaap toer. er. In Februarie vind sy eerste kunsuitstalling van sy eie abstrakte werke plaas.