WIE KOM ALMAL IN AANMERKING?
Die nuwe wetgewing vereis dat albei ouers se naam op die kind se geboortesertifikaat verskyn. Volgens dié wetgewing is die ouer wat nie vir die vier maande betaalde kraamverlof kwalifiseer nie nou op 10 dae betaalde ouerskapsverlof geregtig ná die geboorte van ’n kind.
En wanneer ’n kind van twee jaar of jonger wettig aangeneem word, kan die een ouer vir 10 weke aannemings- of surrogaatverlof soortgelyk aan kraamverlof aansoek doen en die ander een vir 10 dae ouerskapsverlof.
Daar sal nie teen paartjies van dieselfde geslag gediskrimineer word nie.
Ouerskapsverlof is nuwe wetgewing wat uiteengesit word in die Wysigingswet op Arbeidsverhoudinge.
Die betaling vir ouerskapsverlof sal nes kraamverlof deur die Werkloosheidsversekeringsfonds gemaak word, sê die arbeidsregkenner Youlandé Prinsloo.
Werkgewers se menslikehulpbronnedepartemente sal dié verlofaansoeke fasiliteer, asiliteer, sê die ACDP-parlementslid ACDP parlementslid Cheryllyn Dudley.
Al is die wetgewing deur die president onderteken, het hy nog nie aangedui wanneer dit in werking tree nie. Cheryllyn het ’n beroep op al die rolspelers gedoen dat dit van 1 Januarie 2019 af geïmplementeer word.
‘Pa’s wil betrokke wees’