WIE IS DIE NUWE ROLSPELERS?

TYMEDIGITAL BANK:

Wie besit dit? African Rainbow Capital Financial Services Holdings (Pty) Ltd, met Patrice Motsepe aan die stuur. Wat maak dit uniek? Geen maandelikse bankfooie. Hoe werk dit? Landwyd sal daar altesaam 720 kioske in takke van Pick n Pay- en Boxer-winkels wees. Dit sal net vyf minute neem om jou bankrekening of Visa-debietkaart daar te open. Wat betaal jy? Gratis by Pick n Payen Boxer- kioske, R2 by ander winkels en R2 vir elke R1 000 by kitsbanke. Debietorders kos R2. Watter dienste bied dit? Tans spaarrekenings, persoonlike transaksies en geldoorplasings. Wanneer is dit beskikbaar? Aanlyn aansoeke kan reeds gedoen word by www.tymebank.co.za.

BANK ZERO

Wie besit dit? Michael Jordaan, voormalige uitvoerende hoof van FNB, en nog ses mense uit die bankbedryf.

Hoekom is dit uniek? Geen banktakke. Alles, ook nuwe rekenings, word aanlyn gedoen. Hoe werk dit? Met slimfone of e-pos. Die bank belowe 24/7- transaksie- en kliëntedienste aanlyn. Wat betaal jy? Produkte en bankfooie sal nog aangekondig word. “Ons bank se naam, Zero, is ’n sterk leidraad,” sê Jordaan aan Huisgenoot. Watter dienste bied dit? Alle persoonlike en saketransaksies. Deposito- en beleggingsprodukte word ook beplan. Wanneer is dit beskikbaar? Teen middel 2019.

DISCOVERY BANK

Wie besit dit? Die Discovery-groep, met 10% aandele in besit van swart kliënte.

Hoekom is dit uniek? Soortgelyk aan die Vitality-lojaliteitsprogram vir mediese kliënte van Discovery. Fooistrukture, rentekoerse en belonings sal gegrond word op die finansiële besluite en bestuur van kliënte.

Hoe werk dit? Met ’n bank-app. Discovery spog jy sal binne minute ’n rekening aanlyn kan open – solank jy ’n selfie stuur! Wat betaal jy? Fooistrukture verskil na gelang van jou finansiële gedrag en behoeftes. Watter dienste bied dit? Basiese transaksierekenings, kredietdienste en moontlik later ook lenings. Wanneer is dit beskikbaar? Maart 2019.

‘Onsns wil die reikwydte van finansiële dienste verbreed’ – SANDILE SHABALALA, UITVOERENDE HOOF

‘Onsns het dit d duidelik idelik gegemaak ons wil bankkoste

takel’

– MICHAEL JORDAAN, VOORSITTER

‘Discovery Bank bou ’n bankstelsel van onder af’ – BARRY HORE, UITVOERENDE HOOF