GEBAKTE BOONTJIES MET CHAKALAKA EN BOEREWORS
Geur doodgewone gebakte boontjies met chakalaka en brandrissie vir ekstra skop.
GENOEG VIR 4 MENSE BEREIDING: 15 MIN. GAARMAAK: 30 MIN.
500 g boerewors
BOONTJIES
30 ml (2 e) olyfolie
2 uie, in skyfies gesny
2 knoffelhuisies, fyngedruk
2 brandrissies, gekap (opsioneel)
15 ml (1 e) tamatiepasta
2 x 410 g-blikke gebakte boontjies in tamatiesous
1 x 410 g-blik chakalaka sout en vars gemaalde swartpeper
VIR VOORSIT
vars koljanderblare
4-6 snye roosterbrood Voorverhit die oond tot 200 °C. Bespuit ’n bakplaat met kossproei. 1 Draai die boerewors in kleiner worsies en pak op die bereide bakplaat. Rooster 15-20 min. of tot die worsies gaar en bruingebraai is.
2 Boontjies Verhit die olie in ’n diep pan en braai die uie tot sag. Voeg die knoffel en brandrissies (indien gebruik) by en roerbraai tot geurig. Roer die tamatiepasta by.
3 Voeg die boontjies en chakalaka by en roer tot verhit. Geur met die sout en vars gemaalde peper na smaak.
4 Vir voorsit Sprinkel die koljanderblare oor die boontjiestowe en sit voor saam met die boerewors en roosterbrood.