Alec pleit skuldig
Nadat hy eers heftig ontken het dat hy vuisgeslaan het oor ’n parkeerplek, sing Alec Baldwin nou ’n ander deuntjie.
Wojciech Cieszkowski (49) het die akteur van aanranding en teistering beskuldig nadat Alec hom glo in die gesig geslaan het tydens ’n rusie oor ’n parkeerplek in Manhattan, New York.
Alec het aanvanklik die bewerings ontken en gesê dis “uiters verdraai”. Maar tydens ’n onlangse hofverskyning het die ster van 30 Rock skuldig gepleit op die mindere van die twee klagtes.
Hy is voorwaardelik vrygelaat, wat beteken as hy weer aanjaag, word hy deur tronkstraf in die gesig gestaar. Die hof het hom ook gelas om woedebestuursklasse by te woon.