Ontbyt met ’n plaaslike kinkel

Ons span bestanddele in wat buitelanders dalk nie ken nie vir lipleklekker oggendkos

ONTBYTSKONS MET AMASI

Amasi gee dié skons ’n veerligte tekstuur. Rond dit af met avokado, bros spek en ’n geposjeerde eier vir ’n spogontbyt.

LEWER 8-12 GROOT SKONS

BEREIDING: 30 MIN.

BAK: 10-15 MIN.

SKONS

500 ml (2 k) bruismeel 5 ml (1 t) bakpoeier

2,5 ml (½ t) sout 60 ml (¼ k) botter 1 eier

160 ml (²⁄₃ k) amasi

melk, om bo-oor te verf

FYN AVOKADO

2 avokado’s

2 stingeluie, gekap

15 ml (1 e) suurlemoensap sout

VIR VOORSIT

brosgebraaide spek

geposjeerde eiers

Voorverhit die oond tot 220 °C. Bestrooi ’n groot bakplaat liggies met meel.

1 Skons Sif die meel, bakpoeier en sout saam in ’n groot mengbak. Voeg die botter by en vryf dit met jou vingerpunte in tot die mengsel soos growwe broodkrummels lyk. Maak ’n holte in die middel van die mengsel.

2 Klits die eier en amasi saam en giet in die holte van die meelmengsel. Meng met ’n vurk tot die deeg begin saamkleef. Keer die deeg op ’n meelbestrooide oppervlak uit en druk liggies tot ’n bal vorm; moenie knie nie.

3 Rol die deeg uit tot 2 cm dik. Druk sirkels (of enige ander vorm wat jy verkies) met ’n glas of koekiedrukker uit en pak op die bereide bakplaat.

4 Verf die skons liggies met die melk en bak 10-15 min. of tot goudbruin, uitgerys en gaar. Haal uit die oond en pak die skons op ’n draadrak om af te koel.

5 Fyn avokado Druk die avokado’s fyn en meng die stingeluie en suurlemoensap deur. Geur met die sout na smaak.

6 Vir voorsit Breek die skons oop en skep van die avokado bo-op. Pak ’n paar stukkies spek en ’n geposjeerde eier bo-op elk en sit voor.