HUISGENOTJIES
Stuur gerus oorspronklike grappies; jy kry R50 vir elkeen wat ons gebruik. Skryf aan Huisgenotjies, Posbus 1802, Kaapstad 8000 of grappies@huisgenoot.com en verstrek jou naam, adres, identiteitsnommer en bankbesonderhede (bank, taknaam, takkode en rekeningnommer).
GROOT AFSTAND
Ek sien Nasa en SpaceX het ’n paar ruimtevaarders na die Internasionale Ruimtestasie gestuur. Daardie mense neem sosiale distansiëring darem baie ernstig op.
NUWE NAME
Kallie, Gerrie en Mike is saam op pad toe ’n verkeerskonstabel hulle voorkeer. Hy vra hul name.
“Ek is Ed,” sê Kallie.
“Ed wie?” vra die verkeerskonstabel. “Ed Gaars,” antwoord Kallie.
“En jy?” vra die konstabel vir Gerrie. “Ek is Price Holmes,” antwoord Gerrie so ewe. Hy en Kallie hoop Mike gaan agterkom waarmee hulle besig is.
“En wie is jy?” vra die konstabel vir Mike. “Ken,” antwoord Mike.
“Ken wie?”
“Ken Tucky Fried Chicken!”