Prins Andrew ’n nukkerige pierewaaier
Sy verbintenis met ’n seksoortreder is nie al klad op die prins se naam nie. In ’n nuwe boek word hy onder meer geskets as ’n pierewaaier vol nukke
SY NAAM het sinoniem geword met skandale weens sy vriendskap met die veroordeelde seksoortreder Jeffrey Epstein, en die sage rondom prins Andrew woed voort terwyl Amerikaanse owerhede sy samewerking in die ondersoek na Epstein se grudade vra. Nou is daar nóg vet op die vuur: die onthullings in ’n nuwe boek, Prince Andrew: Epstein and the Palace, deur die Britse skrywer Nigel Cawthorne.
In hierdie fassinerende uittreksel kyk die skrywer na Andrew se jeugjare en dae as flankerende vrygesel – ’n tyd van bevoorregting en luukses vir ’n bedorwe brokkie.
BABA KNORPOT
Andrew, wat op 19 Februarie 1960 gebore is, was sommer uit die staanspoor ’n handvol. Sy oppasser het hom kleintyd “Baby Grumpling” genoem oor sy kwaai buie, kattekwaad en hardkoppigheid, en
BABA ANDREW dit was ’n opdraande stryd om die mannetjie basiese maniere te leer. Dit het al haar selfbeheersing geverg om hom nie sy kos so vinnig moontlik te laat afsluk sodat hy tog net weer kan gaan speel nie.
Ander lede van die paleispersoneel was aanvanklik gaande oor die oulike babaprins en het hom “Andy Pandy” genoem na aanleiding van ’n gewilde poppekasprogram op televisie. Maar dié bemindheid was van korte duur toe hulle ook agterkom hy raak nukkerig as hy nie sy sin kry nie. En nadat sy suster, Anne, kosskool toe is – na die privaat skool Benenden in Kent – het hy as enigste kind in die paleis as’t ware koning gekraai tot die geboorte van sy broer Edward, wat vier jaar jonger is as hy.
Waar die jong Charles onseker van homself was, het klein Andrew se selfvertroue gedy. Omdat sy ma met sy geboorte reeds koningin was, het Andrew sy eerste lewensjare deurgebring in die beskutte weelde en heerlike afsondering wat die monarg omring. Hy het minstens sewe kinderkamers in vier paleise gehad, en anders as sy twee ouer sibbes het hy van die begin af in ’n luukse omgewing geleef met huisknegte tot sy beskikking. Hy is in koninklike Rolls-Royce’s rond
LINKS: Koningin Elizabeth het nog altyd ’n sagte plekkie vir prins Andrew gehad. HEEL LINKS: Elizabeth en haar man, Philip, in 1960 saam met Anne, Charles en baba Andrew by die Balmoralkasteel.
HEATHERDOWN-SKOOL
LINKS BO: Die selfversekerde jong prins op agtjarige ouderdom langs sy bewonderende ma by die Heatherdown-skool. BO: Prins Andrew word rondgewys by die Lakefield-kollege in Kanada, waar hy in 1977 ’n jaar lank as uitruilstudent studeer het en baie gewild onder die meisies was.
gery, en die koninklike trein en seiljag het hom op die jaarlikse “koninklike migrasie” geneem – na Londen, Windsor, Sandringham, Balmoral – altyd met ’n polisiebeampte by vir sy beskerming.
Daar was ontspanning en vermaak by die paleise, soos skietpartytjies en feestelike onthale, en sy ma se verjaardag is altyd met ’n asemrowende militêre parade gevier.
Ingevolge paleistradisie het sy oppasser twee huisknegte en bediendes gehad. Dit was ’n Victoriaanse en Edwardiaanse tradisie wat Diana sou beëindig toe sy besluit het om William en Harry self groot te maak – die eerste van talle meningsverskille tussen haar en prins Charles.
Hoewel Andrew nie dikwels tussen kinders van sy eie ouderdom was nie, het hy sy ma se onverdeelde aandag gehad. Met Andrew was die koningin heeltemal anders as die formele monarg wat die publiek ken, en hy was anders met haar – weg was die klein knapie met die buie. Hy sou dikwels stil in haar studeerkamer met ’n legkaart of prentjieboek sit en speel terwyl sy met amptelike besoekers vergader. En die koningin het gaan stap en kyk hoe hy in die sandput en klimraam speel wat vir hom gebou is.
Sy het hom ook die letters van die alfabet geleer, op een van die paleishorlosies
vir hom geleer hoe om te kyk hoe laat dit is, self vir hom rylesse op Mr Dinkum, sy eerste ponie, gegee, en het dit geniet om hom te bad en hom haar onverdeelde aandag te gee op die dae wat sy oppasser verlof gehad het.
Dit het Andrew uiters selfversekerd en ’n ekstrovert gemaak, teenoor die selfbewuste Charles. Die jong Andrew het die personeel eindelose poetse gebak, die messe en vurke weggesteek wanneer ’n huiskneg die tafel gedek het, en wagte se skoenveters vasgebind. Hy het op ’n silwerteeskinkbord by die trappe afgeskaats en die kweekhuis se vensters met ’n sokkerbal gebreek.
Sy rabbedoegeaardheid het toegeneem namate hy ’n jong man geword het. Hy het vir die koninginmoeder ’n afblaaskussing gegee, jeukpoeier in sy ma se bed gestrooi en eenkeer op die Buckinghampaleis se dak geklim om die televisieantenna te draai sodat die koningin nie die beeld kon sien wanneer sy haar gunstelingprogram – perdewedrenne by Sandown Park – kyk nie. Die paleis se instandhoudingswerker is gevra om iets daaromtrent te doen, anders het sy dit misgeloop.
Daar was stinkbomme en badseep wat skelm in die swembad by die Windsorkasteel gegooi is. Selfs die koningin het eindelik sugtend laat hoor: “Hy is nie altyd ’n engeltjie in die huis nie.”
GROOTWORDJARE
Andrew is op agt jaar na Heatherdown gestuur, ’n voorbereidingskool in Ascot, nie ver van Windsor nie.
Daar was hy gou bekend as een van die “wilder” seuns en ’n luidrugtige, veglustige mannetjie. Hy het by Heatherdown middernagfeeste gereël en almal se skoene in die slaapsaal deurmekaargemaak.
Al was Andrew soms ongeskik en aggressief teenoor die seuns en onderwysers as die bui hom beetpak, is hy diplomaties hanteer, net soos by die paleis. Die skool kon hom net dissiplineer by wyse van ’n prosedure wat spesiaal vir hom ontwerp is en waarby die skoolhoof betrek moes word.
Andrew is later na Gordonstoun gestuur, die streng, afgeleë kosskool in die gure noorde van Skotland waar sy pa en Charles uitgeblink het. Die jaar voor Andrew se koms is 30 meisies vir die eerste keer by die voormalige seunskool toegelaat, en dit het Charles oor sy broer se skoolwerk laat opmerk: “Hy geniet sy tyd terdeë.”
Andrew het nie akademies of op die sportveld uitgeblink nie en het oor sy alma mater gesê: “Die beddens is hard en dis net strooimatrasse, brood en water – nes ’n tronk.”
Ander studente het hom “grootpraterig” en “verwaand” genoem. Een vertel: “Hy het ietwat van ’n ‘Ek is die prins’houding gehad toe hy hier aankom. Daarmee is gou klaargespeel, want hy is genadeloos geterg.”
In 1976 het hy op 16 saam met sy ouers die Olimpiese Spele in Montreal bygewoon, waar dit duidelik was dat die meisies belangstel. En dit het nie die Kanadese media ontglip hoe gemaklik Andrew tussen meisies en vroue was nie, terwyl Charles in so ’n situasie altyd ’n bietjie katvoet was en aandag getrek het oor sy groot ore.
Toe hy daaroor gevra is, het die prins van Wallis noodgedwonge toegegee Andrew is “die een met die Robert Redford-voorkoms”. Sy jonger broer het soos ’n sprokiesprins begin lyk. Een Kanadese koerant het Andrew beskryf as “ses voet van seksuele aantreklikheid”.
Hy is oorval met versoeke vir romantiese afsprake, uitnodigings na partytjies en telefoonnommers. Dit het sy reeds hemelhoë selfvertroue nog ’n hupstoot
LINKS: Andrew besoek die Falkland-eilande in 1986. BO: Die partytjieprins verlaat in 1984 die nagklub Tramp in Londen. Hy het in daardie tyd ’n reputasie as flankeerder gehad.
plaas van hom wat saam met verskeie blondines uit kuierplekke kom. Hulle was deel van wat die meisies by Gordonstoun “Andy se harem” genoem het.
Buitestanders het begin skimp: “Wie is vandag op die koninklike skedule?”
Maar vir diegene in die binnekring was die gevoel nie juis anders nie. Hoewel hulle tot geheimhouding gesweer is, het sommige meisies moedeloos laat hoor: “Hy het geweet hoe om homself by almal bemin te maak. Die een oomblik laat hy jou wonderlik voel, so asof jy die enigste een is wat saak maak. Die volgende oomblik, nes jy dink jy kom iewers, is hy weg met iemand anders.”
Maar sy sjarme teenoor die skoner geslag was nie die personeel beskore nie. Die koninklike lyfwag Ken Wharfe het gesê hy is eenkeer van ’n venstersitplek op ’n vliegtuig weggeskuif omdat hy Andrew se uitsig belemmer het. “Sy maniere,” sê Ken, “is net aaklig.”
’n Ander koninklike werknemer vertel: “Ek het al gesien hoe hy sy personeel op ’n skokkende, afgryslike wyse behandel. Hy was ook ongelooflik ongeskik teenoor sy beskermingsbeamptes en sou letterlik goed op die grond gooi en aandring dat hulle dit ‘f ***** optel’. Geen sosiale vaardighede hoegenaamd nie. Maar as jy ’n dame met blonde hare en groot borste is, wed ek jou hy behandel jou uiters sjarmant.”
Tydens sy eerste diensbeurt op ’n skip, die vliegdekskip HMS Hermes, het die jong prins, seksueel gefrustreer deur die lang tyd aan boord, dadelik die hoofopskrifte gehaal toe hy aan die kus van Florida afgeneem is waar hy bostuklose dansers dophou by Trader Jon’s Club Pigalle in Pensacola.
“Ons was verstom toe hy hier instap, maar dit het gelyk of hy dit gate uit geniet om ons mooi meisies dop te hou,” het die klubeienaar, Martin Weissman, gesê.
“Dit was sowaar lekker om die prins hier te hê,” het Martin se vrou laat hoor. “Maar nugter weet wat sy ma daarvan sou dink.”
DIE KEERPUNT
Die geboorte van sy broerskind William was die stille keerpunt van Andrew se vroeë lewe. Dit het beteken daar was so te sê geen kans dat hy koning sou word nie. As Charles se manlike erfgenaam het William die tweede aanspraakmaker op die troon geword en Andrew het na die derde plek afgeskuif.
Maar ondanks sy koninklike rangverlies het die 22-jarige se ster ál blinker geskyn. Selfs voor die Falklandoorlog in 1982 was sy naam gereeld op lyste van die wêreld se hubaarste vrygeselle. Die American Bachelor Women’s Society het hom saam met hul gunstelinge soos John Travolta, Warren Beatty, John McEnroe en Woody Allen gelys.
Sy HRH-titel, het hulle laat hoor, staan vir: “His Royal Heartthrob”.
Ná sy vier weke lange kursus by die koninklike marinierskorps is die prins saam met die 19-jarige skoonheidskoningin Carolyn Seaward, toe Mej. Verenigde Koninkryk en naaswenner van
EPSTEIN SE MAAT
Mej. Wêreld, gewaar. Hulle het ’n kersligete in die Buckinghampaleis geniet. Maar daar was oral oë. ’n Huiskneg het haar vroeg een oggend sien vertrek.
“Prins Andrew was baie sjarmant, skerp en vermaaklik,” het sy aan koerante vertel. “Ons het ná ete net ontspan, na musiek geluister en gesels.”
Carolyn is daarna aan die sy van die tennisspeler Ilie Nastase gesien, en sy het eindelik ’n Bondmeisie geword, terwyl Andrew daarna tydens Cowes-week op die eiland Wight saam met ’n mooi blondine gesien is. “Hy het sowat ’n halfuur lank die pap omtrént dik aangemaak,” het die blondine gesê. “Toe besef hy ek is getroud en hy bedaar. Hy flankeer beslis graag met meisies.”
WARE LIEFDE
Andrew was op die kruin van sy gewildheid toe hy die eerste keer vir Ghislaine Maxwell, Robert Maxwell se jongste dogter en later Jeffrey Epstein se berugte lewensmaat, ontmoet het. Ghislaine en die prins was nie romanties verbind nie.
Dit het nie lank geneem voor sy verhouding met die Amerikaanse opkomende ster Koo Stark die hoofopskrifte gehaal het nie. Hulle het mekaar in 1981, nog voor die Falklandoorlog, by die nagklub Tramp ontmoet.
Hulle het begin gesels, gedans, Andrew het ’n bottel sjampanje gekoop en albei se voete is onder hulle uitgeslaan. Dit was die begin van wat as sy eerste ware liefdesverhouding beskou word.
Met die prins se bynaam Randy Andy het die koerante natuurlik ’n groot bohaai gemaak van Koo se rolprentloopbaan wat in 1976 begin het met The Awaking of Emily, waarin sy op kamera masturbeer. Daar was ook ’n lesbiese storttoneel.
Andrew het Koo in 1982 na Balmoral genooi, waar sy in ’n kort goue valletjiesrompie opgedaag het. Volgens die koninklike biograaf Colin Campbell was die koningin “omtrént beïndruk met die elegante, intelligente Koo”.
Prinses Margaret het vir die jong paartjie haar vakansiehuis op die Karibiese eiland Mustique geleen. Koo en Andrew het die vlug na Antigua as mnr. en mev. Cambridge gehaal. Steve Wood, ’n fotograaf van die Daily Express, was toevallig aan boord. Andrew se lyfwag het hom genader en gesê hy mag geen foto’s neem nie. Steve het nie ’n benul gehad dat Andrew op die vliegtuig was nie en het aanvaar die koninklike passasier is prinses Margaret. Maar toe sien Steve se meisie hulle by die Antigua-lughawe. En terwyl hulle op Mustique sonbaai, het die storie wêreldwyd gebreek.
Die paparazzi het kort voor lank die paartjie opgespoor. Hulle het bote gehuur om by die eiland uit te kom, maar die skatryk inwoners – wat gewoond was aan bekendes soos Mick Jagger en Raquel Welch – het laer om hulle getrek.
Terug in Londen het ’n jong vrou Koo tydens ’n inkopietog genader en vir haar gesê: “Trou met Andrew en te hel met die KOO STARK
Andrew in 2000 saam met (van links) Melania Trump, Gwendolyn Beck en Jeffrey Epstein by Donald Trump se Mar-a-Lago-klub in Palm Beach.
gevolge.” Koo het geantwoord sy is lief vir Andrew en hy vir haar.
Maar dit was nie so bestem nie. Ander in die paleis het die verhouding onvanpas gevind, en hulle is in 1983 uitmekaar.
Op 23 het hy ’n kortstondige verhouding met die bostuklose model Vicki Hodge gehad. Vicki sê sy het ontdek hoekom sy vorige verhoudings so kort was: Ten spyte van sy sterk, sensitiewe hande was die prins heeltemal te haastig tussen die lakens. Sy het hom glo onder haar vlerk geneem en geleer om dinge stadiger te vat, onder meer deur te tel om sy aandag af te lei – maar later gekla hy het haar afgesit toe hy hardop tel.Sy het nietemin aangevoer dat sy Randy Andy van ’n naelloper in ’n marathonatleet omskep het.
Die paleis was meer optimisties oor Sarah Ferguson – ook bekend as “Fergie”. Sy, Diana en Andrew het mekaar as kinders geken.
Toe ontmoet hulle mekaar weer in 1985 by ’n partytjie by die Windsorkasteel. Hy was 25; sy
26. Hulle was binne ’n week in ’n romantiese verhouding en Randy
Andy se dae as vrygesel sou binnekort getel wees. ■
SARAH FERGUSON
XXXXXXXXXX