‘EK HOOP SY SAL GELUKKIG LEWE’
Nicolette Lotter is vry ná 12 jaar tronkstraf weens die moord op haar ouers in 2008. Haar broer is reeds vrygelaat. Die “meesterbrein” is nog agter tralies
As ek dink hoe lief ek my ma gehad
het. Hoe doen ’n mens so iets? Hoe kom die gedagte in jou kop? Ek wil nie oordeel nie, maar sy moet met haar gewete saamleef; dit kan nie lekker wees nie. ROSALINE
Jy het jou straf uitgedien en nou het jy ’n tweede kans in die
lewe gekry. Gebruik dit wys en dink mooi oor enige besluite wat jy gaan maak. Want elke slegte besluit het gevolge. Mag dit met jou goed gaan. NIKITA
Sterkte met jou vryheid en ek hoop jy loop voortaan ’n
reguit pad. Moenie weer swak keuses maak nie. Jy het jou straf uitgedien. Dis net julle twee wat nou met jul gewete moet saamleef. LEVINE
Almal oordeel haar
so maklik. Ek hoop en bid dat so iets nie ook eendag oor jul pad sal kom nie. Onthou maar net dat niemand van ons gevrywaar is van die slegte dinge in hierdie lewe nie. TINA
Prins Harry glo “vol skuldgevoelens” omdat hy die koningshuis verlaat het
As koninklike is dit nie maklik om nét Harry te wees nie. Jy moes jou nie laat lei het deur jou vrou wat ’n ander lewe gehad het nie. Dit is nie Meghan wat moes compromise nie. JEANNE
Harry, jy is die hoof van jou huis; doen wat vir jou die beste
werk. Jy’t jou ma vroeg verloor en jou ouma en oupa is baie belangrik vir jou. Wees meer betrokke by hulle. LINDA
Gierigheid en gulsigheid. Wie ook al die skema bedink en begin het, lag die hele pad bank toe vir die geldgieriges wat glo dat geld net uit die hemel val of aan bome groei. ELMA
Herrie oor Crowd1 en die bekendes wat daarby betrokke is, kring uit
Aan die voormalige Blou Bul-rugbyspeler Jacques Potgieter: Jy is uiters naïef oor Crowd1, en dit is maar net omdat jy aanvanklik geld daaruit gekry het in ruil vir jou “belegging”. ROEDS