Vyf kreatiewe bêreplek oplossings
Vyf kreatiewe oplossings om alles op hul plek te sit
NETJIES EN ORDELIK
’n Verskeidenheid bêrekeuses is ’n moet in ’n kind se speelarea – van tafels met rakke onder en ottomans wat as bêre- en sitplek kan dien, tot nuttige laaie. ’n Kas of rak met laaie asook oop dele vir uitstal is ideaal – aan die einde van speeltyd kan oortollige speelgoed uit die oog weggepak word, terwyl gunstelinge binne bereik op die oop rakke gehou kan word.
KOOP SLIM BÊREPLEK
1 Leerrak (48 x 180 cm) R1 800, MRP Home. 2 Hangende planthouer R285 (16 x 11 cm), Esque.
3 Bokkie-lessenaar (64 x 126 cm) R1 499, Game. 4 Veeldoelige rak (60 x 10,5 cm) R1 050, Esque.
5 Ottoman (30 x 30 cm) R149, Decofurn. 6 Stapelbare staalmandjie (20 x 30 cm) R499, @home. 7 Pennetjiebord
(58 x 87 cm) R1 450, Knus.co.
8 Heuningkoekmuurrak (36 x31 cm) R399,99, MRP Home. 9 Sytafel (53 x 53 cm) R1 099, Decofurn. 10 Rak (120 x 21 cm) R849, @home. 11 Klerereling (125 x 195 cm)
R3 499, @home. 12 Muurhake (stel van drie) R479, Yuppiechef.
13 Reënboogstapelmandjies (43 x 39 cm elk) R299 vir die stapel, Game.
STAPELGEK
Boksrame maak dit moontlik om verskeie items saam te plaas vir maklike toegang en skep ’n goed saamgestelde dekorfokusmuur. Ons hou ook van ’n lessenaar met baie bêreplek onder. Kyk hoe oulik is dié swewende lessenaarblad met boeke slim opgestapel sodat dit lyk of dit die rak stut – prakties en mooi!
WENK Rangskik die boksrame op die vloer om jou ideale uitleg te skep voor jy dit teen die muur hang met jou vloeruitleg as riglyn.
VIVA VEELSYDIGHEID
’n Gaatjiesbord, soos dié swartgeverfde een, is ’n goeie manier van muurruimte benut om toonbankplek beskikbaar te maak. Dit laat ook ’n verskeidenheid bêreopsies op een plek toe. Jy kan hake en penne byvoeg vir hangplek, en mandjies en swewende rakke vir dinge inpak. Gaatjiesborde is ook maklik verskuifbaar.
REK DIE RAKKE
Rakke is nie net om items op te pak nie – oorweeg ook die ruimte onder. Jy kan enigiets van hake tot mandjies daaraan heg om ’n mooi en praktiese veeldoelige eenheid te skep.
ALLES IN DIE OOPTE Oop klerekaste is om ’n rede steeds ’n trend – dit moedig minimalisme en netheid aan en laat jou maklik gryp wat jy nodig het wanneer jy die huis verlaat. Dit is dus veral geskik naby ’n voor- of agterdeur. Dit kan ook goed werk in ’n bad- of studeerkamer.