Krediet lewensversekering: Hoeka n jy teen dié dekking eis?

Agt vrae oor dié spesiale dekking

BAIE mense wat hul inkomste weens die covid-19inperkingsreëls verloor het, sukkel nou om hul maandelikse skuldpaaiemente te betaal. Gevolglik is daar landwyd ’n groot toename in kredietlewensversekeringseise. Jy weet dalk nie eens jy het kredietlewensversekering nie, maar die kans is goed as jy byvoorbeeld ’n huis- of motorlening het of iets soos huisraad op krediet gekoop het.

Moenie dit met gewone lewensversekering verwar nie. Lewensversekering kan ook jou skuld dek, maar word eers aan jou begunstigde uitbetaal nadat jy gesterf het. Dié begunstigde sal dan besluit of hy jou skuld daarmee wil delg of nie. Daarenteen is die uitsluitlike doel van kredietlewensversekering om jou in die hier en nou te help om jou skuld te dek as jy dit nie meer kan doen nie. Ons verduidelik jou hoe dit werk.

HOE WEET EK OF EK DEKKING HET?

Baie handelaars en leningsinstansies vereis dat jy kredietversekering uitneem wanneer hulle iets vir jou finansier. Dit word dan by jou terugbetalings ingebou.

As jy onseker is, vra jou kredietverskaffers, byvoorbeeld die bank wat jou motor finansier of die meubelwinkel by wie jy daardie duur sitkamerstel gekoop het.

Jy kan ook die maandelikse betaalstate nagaan wat jy van jou kredietverskaffers ontvang. Jy behoort daar enige aftrekkings vir kredietlewensversekering te sien. Dit is dikwels klein bedraggies, byvoorbeeld R10, en kan beskryf word met terme soos “balansbeskerming”, “kredietdekking” of “batedekking.”

IN WATTER OMSTANDIGHEDE WORD EK GEDEK?

Die polisse betaal uit as jou werkgewer jou aflê of as jy jou inkomste tydelik verloor – dus, wat nou besig is om weens die coronavirusinperking te gebeur.

Gewoonlik sal jou skuld ook gedek word as jy terminaal siek of medies ongeskik raak om te werk of as jy sou sterf.

Verskillende versekeraars se polisreëls kan moontlik verskil.

Sommige kan uitsluitingsklousules bevat, soos dat jy nie uitbetaal word as jy vrywillige aflegging gekies het nie.

Jou kontrak sal uitstippel vir watter tydperk jou afbetalings gedek word. Byvoorbeeld: ses of 12 maande; tot die einde van die leningstermyn; of tot jy weer ’n inkomste verdien.

HOE RAAK MY WERKNEMERSTATUS MY EIS?

As jy ’n permanente of kontrakwerknemer is, sal jou kredietlewensversekering gewoonlik uitbetaal. Sommige versekeraars sal jou nie dek as jy vir jouself werk nie, maar ander sal jou wel dek as:

■ jy kan bewys jy het geen inkomste verdien tydens die inperking nie; en

■ jy permanent aangestel was toe jy die versekering uitgeneem het.

Doen dus altyd navraag by jou versekeraar.

KAN EK WEENS ’N VERMINDERDE SALARIS EIS?

Nee. Jy sal net vir uitbetalings kwalifiseer as jy alle inkomste verloor het. As jy steeds ’n salaris kry – al is dit aansienlik minder as voorheen – sal jou eis nie slaag nie.

KAN EK EIS AS EK WERKLOOSHEIDSVERSEKERING ONTVANG?

Weer nee. As jy nie meer ’n salaris ontvang nie, maar wel ’n maandelikse werkloosheidstoelae, sal jou eis vir lewensversekeringsdekking nie slaag nie. Die werkloosheidsversekeringstoelae word beskou as ’n inkomste om jou salaris te vervang, al is dit aansienlik minder as wat jy as werknemer verdien het.

WAT HET EK NODIG OM TE EIS?

Die dokumentasie wat jou eis moet vergesel, kan na gelang van jou werkstatus verskil. As jy ’n permanente werknemer was en afgelê is:

■ ’n afskrif van jou ID;

■ ’n amptelike brief van jou werkgewer;

■ jou UI19-vorm (waarin jou werkgewer jou werkstatus aan die Werkloosheidsversekeringsfonds verklaar); en

■ jou jongste salarisstrokie. Kontrakwerkers:

■ jou ID;

■ ’n brief van jou werkgewer;

■ ’n afskrif van jou werkkontrak; en

■ jou salarisstrokie. As jy vir jouself werk:

■ bewyse waarom jy nie meer ’n inkomste kan verdien nie; en

■ jou belastingsertifikate.

HOE WERK DIE EISPROSES?

Deesdae kan jy by die meeste maatskappye die eis aanlyn indien. Bel egter jou versekeraar as jy dit eerder telefonies of per epos wil doen.

Wanneer die maatskappy al die inligting het, sal hulle jou kredietverskaffer betaal. Dit beteken hulle betaal nie die geld vir jou in sodat jy jou skuld self kan delg nie. Hulle betaal die krediteur regstreeks.

VERLOOR EK DIE DEKKING SODRA EK EIS?

Ja, gewoonlik. Jy moet dan weer nuwe kredietlewensversekering uitneem.

Onthou: Jy kan self kwotasies by verskillende versekeringsmaatskappye kry. Jy hoef dit nie uit te neem by die versekeraar wat deur die kredietverskaffer (byvoorbeeld die handelaar by wie jy meubels koop) aanbeveel word nie. Kies die opsie wat jou die beste pas en verskaf dan die bewys van kredietversekering aan die handelaar. ■

versekeringsfirma ’n Vra vir die afskrif van die kredietversekeringskontrak. So kan jy jy gedek is. self kyk waarvoor afskrif. Jy is geregtig op ’n

Laai dit af by magzter.com.