JOU STERRE
MAAGD
23 AUG – 22 SEP
Dit kan nogal ’n moeilike week vir verhoudings wees, veral as jy net soos ’n tipiese Maagd met ’n baie nugter benadering is. Die skyn bedrieg dalk, en jy kan aan die ontvangkant van leë beloftes wees, die slagoffer van vae boodskappe word of selfs onder krasse bedrog deurloop. Dit is wel ’n verbygaande fase, maar moet steeds nie toelaat dat jou ingebore goedheid jou vir die swakpunte van ander blind maak nie. GELUKKIGE NOMMERS 32, 33, 52, 15, 4, 41
WEEGSKAAL
23 SEP – 22 OKT
As jy ’n ietwat liggelowige Weegskaal is, is dit ’n week om ’n slot aan jou hart en jou geldkas te sit. Wat romanse betref, kan jy maklik die kluts kwyt raak en later lang trane huil. Die waarheid kan skeefgetrek word as jy jou geliefde met ’n rosige bril beskou. Dit is ’n week waarin jy mislei kan word om jou geld af te staan, of dit deur jou eie wenslys, ’n verkoopsmens of ’n swendelaar is. GELUKKIGE NOMMERS 35, 46, 24, 2, 22, 50
SKERPIOEN
23 OKT – 21 NOV
Die son beweeg vandeesweek jou beroepshoroskoop binne en laat skyn die lig op die buiteaspekte van jou lewe. Dit is dus ’n week om jou fokus te verskuif na die rol wat jy graag in die openbare arena wil speel, asook loopbaanontwikkeling en beroepsdrome. Of jy vir ’n saak wil stry of ’n roeping wil vervul, neem beheer en werk na jou doelwit toe. GELUKKIGE NOMMERS 24, 2, 48, 51, 29, 36
BOOGSKUTTER
22 NOV – 20 DES
Die son beweeg ’n medevuurteken binne, wat jou tuis behoort te laat voel om jouself kreatief uit te druk. As jy ’n kunssinnige streep het, is dit ’n geskikte tyd om jou kreatiwiteit te laat vloei. Of jy ’n beroeps- of stokperdjiekunstenaar is, jou sak wil vul of jou siel wil voed – dit is ’n geskikte tyd om energie en geesdrif in dié aspek van jou lewe te stort.
GELUKKIGE NOMMERS
4, 41, 25, 18, 11, 38
STEENBOK
21 DES – 20 JAN
As ’n Steenbok is jy ’n onverstoorbare siel, maar dis ’n week waarin jou geduld dalk op die proef gestel sal word. Of dit ’n huisinstandhoudingstaak is wat jou irriteer, ’n kollega wat jou verkeerd opvryf of ’n lewensmaat wat jou die harnas in jaag, jy sukkel dalk om voldoende geduld te vind. Rusies kan ook ontstaan – plaas dus ’n wag voor jou mond. GELUKKIGE NUMBERS
18, 1, 52, 47, 12, 20
WATERDRAER
21 JAN – 18 FEB
Die son beweeg vandeesweek jou liefdeshoroskoop binne en laat die kollig op dié faset van jou lewe val. Romanse is in die lug en jy kan nou maklik meegesleur word – al bewaar jy as Waterdraer jou onafhanklikheid. Iemand laat dalk net jou koue uiterlike versag en verower jou hart. Maar wees versigtig: ’n Towerrit kan in ’n taamlik teleurstellende reis ontaard. GELUKKIGE NOMMERS 47, 36, 44, 31, 26, 7
VISSE
19 FEB – 20 MRT
As ’n tipiese Vis het jy waarskynlik ’n dromerige geaardheid, ’n kenmerk wat nuttig of nadelig kan wees, veral wat geldsake betref. Dit is ’n goeie week om jou verbeelding te kanaliseer in kunsprojekte wat geld inbring. Maar afgetrokkenheid kan jou ondeurdag laat geld uitgee. En as jou aandag afgelei is, kan ’n swendelaar jou uit geld verkul.
GELUKKIGE NOMMERS
9, 32, 20, 28, 39, 43
RAM
21 MRT – 19 APR
Die son beweeg vandeesweek ’n medevuurteken binne en laat jou heel op jou gemak en vol vertroue voel om jouself uit te druk. Jou optimisme, geesdrif en lewenslus behoort aansteeklik te wees en familie en vriende se lewe op te vrolik. Maar let op jou vurige geaardheid en temper jou spoed. Ongeduld en ondeurdagte optrede kan brûe verbrand. GELUKKIGE NOMMERS
51, 12, 14, 40, 8, 30
BUL
20 APR – 20 MEI
Selfs ’n geldbewuste Bul kan dié week ervaar dat geld deur sy/haar vingers glip. Dit kan alte maklik gebeur dat te veel kuier ’n duik in jou sak maak, die begeerte na mooi besittings jou materiële grondslag ondermyn of bevrediging van die sintuie jou kontant uitput. Beskerm jou hoop, drome en wense vir die lang termyn deur jou beursie te bewaak. GELUKKIGE NOMMERS
19, 38, 22, 27, 6, 49
TWEELING
21 MEI – 20 JUN
Wat jou beroepslewe betref, is dit ’n week om ekstra versigtig te wees. Jy kan die slagoffer word van mooipraatjies van iemand wat wil hê jy moet by ’n skema aansluit of ’n baas kan leë beloftes maak. Daarby is dit ’n week om op jou eie gedrag te let terwyl jy met ander omgaan. Beloof eerder minder as wat jy te veel bied – en vermy ’n grootpratery. GELUKKIGE NOMMERS
17, 46, 50, 21, 23, 16
KREEF
21 JUN – 21 JUL
Dis ’n week om jou gedagtes inwaarts te keer na jou beroepslewe toe en op jou loopbaandoelwitte te fokus. Of jy ’n studiekursus aanpak om meer kennis op te doen of met nuwe projekte begin, konsentreer op dié gebied van jou lewe. Jy kom dalk teen sterk kompetisie te staan of word onderweg ontmoedig, maar moenie dat dit jou van stryk bring nie. GELUKKIGE NOMMERS 42, 21, 39, 3, 34, 44