Kaalkop-lynregter veroorsaak konsternasie

Die aangewese Amerikaanse president, het steeds koning gekraai in Georgia nadat al die stemme in dié staat weer getel is. Die huidige president, Donald Trump, het geweier om Biden se oorwinning in dié staat – en in die verkiesing – te erken en volgehou daar was bedrog met die stemtellery. Ná die hertelling het Biden steeds sowat 12 800 meer stemme as Trump in die staat gehad. Hy is die eerste Demokratiese kandidaat wat in dié staat wen sedert Bill Clinton dit in 1996 reggekry het. Daarna het die Republikeinse kandidate die staat gewen.

Wetenskaplikes het die oorblyfsels van ’n yslike

ontdek. Die oorblyfsels is diep onder die yslaag in die noordweste van die eiland begrawe. Die navorsers skat die meer kan honderdduisende of selfs miljoene jare oud wees. Die kom waarin die meer was, is vandag bedek met ’n laag los rotse en klippe wat sowat 1,2 km dik is, met ’n laag ys van 1,8 km dik daaroor. Toe daar eeue gelede water in was, was die meer 12 000 km² groot – omtrent twee derdes die grootte van die hele Gauteng!

’n Lynregter met ’n kaalkop het die “slim” kameras by ’n sokkerwedstryd tussen twee Skotse klubspanne so verwar dat kykers groot dele van die wedstryd misgeloop het. Die Inverness Caledonian Thistle-klub het nie kameramanne nie, maar gebruik slim tegnologie waardeur die kameras outomaties die sokkerbal volg en so die aksie afneem. Maar die lynregter se kaalgeskeerde kop het vir die kameras baie soos ’n sokkerbal gelyk – sodat daar vir groot stukke op hom gefokus is en nie op die bal nie!