STADIG GEKOOKTE BEESBORS
Beesbors is ’n goedkoop, beenlose vleissnit wat vol geur is en dikwels gedroog of gerook word. Dit is ook een van die beste vleissnitte vir lank en stadig kook. Ek hou van die resep, want ek kan dit vinnig berei en daarvan in die oond vergeet terwyl ek al my ander take verrig. Wanneer dit gaar is, sal jy ’n kastrol ryk, smaaklike smelt-indie-mond-trooskos voor jou hê.
GENOEG VIR 10-12 MENSE BEREIDING: 15-20 MIN. GAARMAAK: 4-5 UUR RUS: 30 MIN.
3 kg beesbors sout en peper na smaak 60 ml (¼ k) olie
3 uie, gekap
1 groen soetrissie, pitjies verwyder en gekap 2 lourierblare
15 ml (1 e) fyngedrukte droë brandrissie 6 knoffelhuisies, gekap 30 ml (2 e) mosterdpoeier 30 ml (2 e) paprika
45 ml (3 e) bruinsuiker 30 ml (2 e) tamatiepasta 250 ml (1 k) worcestersous
Voorverhit die oond tot 160 °C.
1 Geur die bors met die sout en peper. 2 Verhit die olie in ’n groot kastrol tot warm. Plaas die bors in die kastrol en verbruin die vleis alkante. 3 Haal die vleis uit die kastrol en plaas eenkant. 4 Plaas die uie, groen soetrissie, lourierblare en droë brandrissie in dieselfde kastrol en braai tot die uie goudbruin is. 5 Voeg die res van die bestanddele by en kook 10 min. Plaas die vleis terug in die kastrol en voeg 750 ml (3 k) warm water by. Sit die deksel op en kook 4-5 uur stadig in die oond. Laat dit rus voor jy dit in skywe sny. Sit voor saam met ’n kraakvars koolslaai in die somer en warm groente soos pers kool, pampoen en geel beet in die winter.
WENK
As jy nie ’n oondvaste kastrol met ’n deksel het nie, sit die vleis en uiemengsel in ’n diep oondpan voor, giet die water oor en bedek dig met foelie.