JOU STERRE
LEEU 22 JULIE – 22 AUGUSTUS
Eers die son, jou heersende hemelliggaam, en dan Mercurius, die planeet van die brein, beweeg jou teken in hierdie tyd binne. Om daardie rede kan jy daarna uitsien om ’n beter begrip te kry van die uitdagings waarmee jy nou te kampe het. Onthou egter om op die uitkyk te wees vir versoekings om te veel geld te bestee, veral as dit geleende geld is wat jy en jou lewensmaat later moet terugbetaal. Dit is heeltemal te verstane dat dit hulle moontlik sal ontstel, veral in die tyd van die volmaan.
GELUKKIGE NOMMERS 33, 14, 22, 13, 20, 34
MAAGD
23 AUG – 22 SEP Die liefdesdiva, Venus, beweeg vandeesweek jou teken binne. Dit dui daarop dat dit tyd is om jou met ’n geskenk te bederf. As jy ’n tipiese Maagd is, is jy dalk geneig om te krities oor jouself te wees. Fokus daarop om dit ’n tyd te maak om jou te vergewe en meer deernis met jouself te hê. Jy sal dalk eers ’n bietjie dieper moet delf om die oorsaak van sulke gedrag te verstaan, veral op ’n sielkundige vlak.
GELUKKIGE NOMMERS
5, 21, 1, 37, 20, 43
WEEGSKAAL
23 SEP – 22 OKT
Die aanknoop en behoud van vriendskappe is vandeesweek op jou program. Dit is nie altyd maklik om verhoudings op te bou nie – dit verg doelbewuste aandag om dit te ontwikkel en in stand te hou. In die proses doen jy dalk wat Weegskale die beste doen, naamlik om ander mense na te boots of aan hulle terug te kaats. Jy voel dalk ook lus om ’n bietjie vergewensgesind teenoor jou maat te wees – niemand is immers volmaak nie. GELUKKIGE NOMMERS 27, 6, 39, 38, 26, 36
SKERPIOEN
23 OKT – 21 NOV
Jy is bekend vir jou vlymskerp verstand, en dié kenmerk word vandeesweek versterk wanneer die meester van die brein, Mercurius, teenoor jou heersende planeet, Pluto, stelling inneem. Watter insigte jy ook al hieruit wys word, moet dit nie as skietgoed teen ’n ander mens gebruik nie; besin eerder daaroor en put begrip daaruit. Dit kan jou goed te staan kom in jou loopbaan waar jou vermoë om te fokus van onskatbare waarde is. GELUKKIGE NOMMERS 19, 28, 7, 24, 45, 49
BOOGSKUTTER
22 NOV – 20 DES
Maak jou reg vir ’n bietjie van ’n worsteling oor gesamentlike geldsake, want jy en jou geliefde het dalk verskillende menings oor hoe geld bestee moet word. Dit lyk of jy gretig is om geld op ’n eiendom uit te gee, of dit nou is as ’n belegging of ’n opknapping van jou huidige blyplek. Julle moet ’n manier vind om ooreenstemming te bereik, anders kan jul verhouding daaronder ly. Maak seker julle kan jul skuld baasraak. GELUKKIGE NOMMERS
6, 2, 40, 24, 20, 26
STEENBOK
21 DES – 20 JAN
As jy die een is wat die laaste sê het oor sake wat met die huis en gesin verband hou, moenie verbaas wees as jou gesagsposisie vandeesweek uitgedaag word nie. Die pligte en verantwoordelikhede moet wel meer onder al die betrokkenes versprei word. Dis ’n goeie tyd om met finansiële bydraes en verpligtinge te begin – maak dit sommer jou prioriteit. Maar sorg ook dat jy pret het. GELUKKIGE NOMMERS
7, 32, 37, 1, 25, 34
WATERDRAER
21 JAN – 18 FEB
’n Fokus op intieme verhoudings kan maak dat jy nadergetrek word om meer betrokke te raak of jou bedoeling vir die toekoms van hierdie verhouding te toon. Hou ’n oog op ontwikkelinge naby die Waterdraer-volmaan op die 24ste. By die werk kan ’n kollega jou om die bos probeer lei, maar dit sal tot jou beswil wees om nie by ’n spel van mag en beheer ingetrek te word nie. GELUKKIGE NOMMERS 36, 34, 47, 40, 29, 22
VISSE
19 FEB – 20 MRT
Die meeste van jou aandag en energie is waarskynlik op jou werk gerig, maar die liefdesdiva, Venus, se beweging tot in jou verhoudingshoroskoop dui daarop Kupido kan vir ’n ruk in die omtrek wees. Aangesien Jupiter, die planeet van geluk, steeds in jou teken is, behoort jy oordeel aan die dag te lê en nie met die naasbeste tevrede te wees nie. Die besef van jou eiewaarde kom van binne en sal jou in staat stel om die soort mens aan te trek wat vir jou goed is.
GELUKKIGE NOMMERS
11, 28, 34, 48, 26, 52
RAM
21 MRT – 19 APR
Maak tyd vir kreatiewe aktiwiteite en prettige uitstappies, veral as jy die afgelope ruk by die huis ingehok was. Uitkom is nie net goed vir jou liggaamlike welstand nie; om in die natuur te wees, sal jou siel help streel. Aangesien jy in ’n fase is waarin jy vriendskappe heroorweeg, is dit waarskynlik beter om in jou eie geselskap te wees as om tyd saam met groepe mense deur te bring. GELUKKIGE NOMMERS 14, 50, 39, 51, 52, 29
BUL
20 APR – 20 MEI
Al behoort jou huis en jou gesin vandeesweek jou toevlug te wees, dui die beweging van jou planeet, Venus, tot in ’n medegrondteken daarop jy moet genotvolle aktiwiteite najaag. Of jy ’n fynproewers-eetervaring of inkopieterapie kies, die idee is om die meeste plesier te kry. Vat ’n kort blaaskans by die werk as die tyd dit toelaat, maar jou verantwoordelikhede sal dit waarskynlik nie toelaat nie. GELUKKIGE NOMMERS
6, 8, 17, 3, 29, 37
TWEELING
21 MEI – 20 JUN
Jy is vandeesweek terug op jou eie gebied wanneer jou heersende planeet, Mercurius, by sy tuisomgewing inbeweeg. Oppas vir ’n geneigdheid om alles te wil doen maar in niks uit te blink nie. Al floreer jy op verskeidenheid, is jy geneig om projekte nie af te handel nie. Dit kan tot frustrasie lei en jou verslaan laat voel. Stel vir jouself klein doelwitte wat maklik bereikbaar is. Die eenvoudige daad van dagboek hou sal salf vir jou kreatiewe self wees. GELUKKIGE NOMMERS 39, 45, 40, 25, 28, 22
KREEF
21 JUN – 21 JUL
As jy jou gedurig bekommer oor kop bo water hou of jy elke maand met jou geld sal uitkom, kan jy gou soos ’n hamster op ’n trapmeul voel. Dit is ’n geskikte tyd om die ongemaklike gesprek met ’n geliefde aan te roer oor hoe julle jul afsonderlike bates deel. Jy sal snags beter slaap as jy jul gesamentlike finansiële verantwoordelikhede billiker kan verdeel. GELUKKIGE NOMMERS 48, 11, 7, 37, 46, 41