SEWE SLENTERS WAT JOU ONNODIG KAN LAAT KOOP
SWART Vrydag en Kuber-Maandag is om die draai en natuurlik al die “spesiale pryse” vir vroeë Kersinkopies. En in die
1 BEPERKTE VOORRAAD!
Wanneer handelaars aankondig dat iets “skaars is” en teen “’n goeie prys” beskikbaar is, wil hulle jou net vinniger laat koop.
Want vir die winkel beteken “beperkte voorraad” moontlik ’n reusestoor vol eerder as 100 of minder items. Dieselfde geld vir iets wat “net vandag” op spesiale aanbod is. Hoewel dit in sommige gevalle so kan wees, is daar gereeld spesiale aanbiedings dwarsdeur die jaar.
Doen dít: Wag tot die item weer op uitverkoping is wanneer jy dit werklik nodig het.
2 KONYNGATE
Jy maak een advertensie oop en dit lei tot nog een, en nog een . . .
Die internet gebruik algoritmes om vir jou nuus en advertensies te wys wat in jou belangstellingsveld is.
Byvoorbeeld: Jy stel belang in ’n oond of ’n aandrok, en skielik is al die advertensies op jou sosiale media oor nuwe oonde en aandrokke. As jy ooit gewonder het wat “cookies” doen: Dis onder meer om jou belangstellings te volg. So koop jy maklik dinge waaraan jy nie eens sou sosiale media word jy heeltyd met “onverbeterlike aanbiedinge” gebombardeer. Hier is sewe slenters wat kleinhandelaars as lokaas gebruik om jou te laat koop en koop en koop.
dink nie nadat jy deur ’n klomp klieks op jou foon daarop afgekom het.
Doen dít: Kyk na jou lys van behoeftes en hoeveel jy bereid is om daaraan te bestee. Moenie te veel geld uitgee net omdat jy dink jy kry iets teen ’n goeie prys nie.
3 FOMO
Dis “fear of missing out” – oftewel die vrees dat jy iets kan misloop. Ondeurdagte besteding is ’n baie duur fout, maar jy kry sommer hartkloppings as jy nie ook jou hande op ’n spesiale aanbod kan lê nie.
Fomo is ’n groot dryfveer agter nuttelose aankope. Tog is uitverkopings iets wat gereeld gebeur. Dink byvoorbeeld aan die feestyd; dit begin met voor-Kersfeesaanbiedinge en dan is daar uitverkopings ná Kersfees, dan terug-skool-toe-aanbiedings, daarna die einde-Januarie-uitverkopings . . .
Doen dít: Dink aan jou vorige suksesse en foute met uitverkopings, soos klere wat jy te klein gekoop het, maar jy het toe nooit gewig afgeskud nie. Moenie items koop wat jy nie teen die volle prys sou gekoop het nie.
4 DIE PRYS IS ONVERBETERLIK!
Sommige kleinhandelaars blaas die oorspronklike pryse op.
Die afslag is blykbaar 30%, maar in werklikheid is dit teen dieselfde prys by ’n ander winkel beskikbaar.
Doen dít: Vind uit of daardie “uitstekende prys” werklik ’n winskoop is. Jy kan aanlyn die pryse van dieselfde items by verskillende kleinhandelaars vergelyk. En indien iets net 10% of 15% minder as die gewone prys kos, kan jy eerder wag op Desember-aanbiedinge. Oppas ook vir produkte wat teen baie lae pryse beskikbaar is, want dikwels is dit van ’n swak gehalte.
5 DIE FYN DRUK
Die item is op uitverkoping, maar dan besef jy te laat dat jy dit nie kan terugneem nie, al is daar fout.
Doen dít: Lees die voorwaardes. Dit is dikwels in baie klein skrif by die produkprys of op die advertensie. Sommige kleinhandelaars maak die verkoop finaal sodat hulle die produk nie hoef om te ruil of die geld terug te betaal nie. Sekeres sal terugbetalings toestaan as winkelkrediet.
6 DIT IS SPOTGOEDKOOP!
Net R200 vir ’n nuwe TV. Regtig? Buitengewoon goedkoop items, veral aanlyn, is waarskynlik ’n bedrogspul. As dit te goed klink om waar te wees, dan is dit te goed om waar te wees.
Doen dít: Koop by bekende en betroubare aanlyn kleinhandelaars. Jy kan ook op die winkelgroep se oorspronklike webtuiste of op hul sosiale media kyk of die aanbiedings daarop is. Anders kan jy die nommer vir kliëntenavrae bel.
7 GRATIS EN BOGO-AANBIEDINGS
Jy bestee R300 en kry iets van R150 “gratis” by. Dis ’n slenter om jou meer te laat bestee. Jy wou net R200 bestee, maar nou bestee jy R300 om iets by te kry wat kwansuis R150 werd is – al het jy nie die item nodig nie.
Die ander weergawe is BOGO (“buy one, get one free”). Dit lyk so aanloklik dat jy nou met vier seepbakkies sit – al het jy nie eens een nodig gehad nie. Produkte wat saam met ander gebondel word, is dikwels nie goeie verkopers nie. Die kleinhandelaar wil net daarvan ontslae raak. Doen dít: As jy dit nie baie gebruik nie, moenie dit koop nie. Let op die vervaldatum van gebondelde produkte.
Teken liewer uit by bemarking-e-pos en -kennisgewings sodat jy nie eens weet van kleinhandelaars se uitverkopings nie.