JOU STERRE
WEEGSKAAL
23 SEP – 22 OKT
Soos die son op die 23ste in jou teken sak, word jy daaraan herinner dat jy ’n verjaardag het om te beplan en te vier. Met energieke Mars wat steeds deur jou teken beweeg, het jy oënskynlik genoeg energie en dryfkrag om dit sommer eiehandig te doen. Dit lyk of jou wederhelf op die oomblik in ’n taamlik vrygewige bui is, so al het hulle dalk gekla dat jy te veel geld blaas, toets die grense om te kyk wat jy kan regkry.
GELUKKIGE NOMMERS 22, 31, 39, 49, 32, 23
SKERPIOEN
23 OKT – 21 NOV
Dis ’n tyd van die jaar om dinge stadiger te vat met jou naderende verjaardag wat om die draai is. Selfrefleksie en introspeksie is nodig as jy die jaar op ’n hoë noot wil afsluit en jou voornemens vir die volgende jaar wil bepaal. Jy het ’n behoefte om dinge uit te praat met sowel jou beste vriend as jou geliefde, en soos altyd sal hul waardevolle insette en terugvoer ’n beduidende impak maak. GELUKKIGE NOMMERS
4, 30, 42, 49, 39, 6
BOOGSKUTTER
22 NOV – 20 DES
Die fokus verskuif na die opbou van kontakte, en dit sal goed wees om in gedagte te hou dat dit nie saak maak wat jy weet nie, maar wie jy ken. Om ’n goeie netwerk van kontakte te bou, is goed vir enige onderneming, of jy nou vir jouself of ’n organisasie werk. Dit sou selfs gepas wees om sosiaal met die kontakte te verkeer, maar hou in gedagte dat dit alte maklik is om grense te oorskry wat nadelig kan wees. GELUKKIGE NOMMERS
6, 15, 50, 52, 41, 13
STEENBOK
21 DES – 20 JAN
Jy moet jou lig selfs helderder laat skyn in jou loopbaan en al is jy nie gewoond aan die kollig nie, kan dit jou beroepsgewys tans net bevoordeel. Of jou werk buitelandse bande behels of nie, enigiets wat met internasionale verbintenisse verband hou, kan in jou guns werk. As daar dus ’n kans vir reis opduik, sal dit wys wees om die meeste daarvan te maak. GELUKKIGE NOMMERS
16, 22, 42, 51, 28, 21
WATERDRAER
21 JAN – 18 FEB
Daar word dikwels na Waterdraers verwys as wêreldburgers, juis omdat jy geneig is om jou tyd vooruit te wees en besorgd is oor jou gemeenskap en die mensdom oor die algemeen. Hierdie neiging kom op die oomblik na vore, so die boodskap is duidelik: Raak meer betrokke en wees meer proaktief. Om mense te help om hulself te help lê jou na aan die hart, of jy geld of vaardighede skenk, help met fondsinsameling of sopkombuise, of ’n luisterende oor is.
GELUKKIGE NOMMERS 49, 39, 22, 16, 33, 47
VISSE
19 FEB – 20 MRT
Hoewel jou medeheerser, Jupiter steeds agteruitbeweeg, is die tafel gedek vir ’n paar goeie gesprekke omdat die kommunikasiekanale tans oop is. Jou maat is gretig om deel te neem, so dit kan ’n goeie tyd wees om lastige onderwerpe aan te raak. ’n Broer of suster of buurman het baie insig om jou in hierdie verband te bied en sal jou ondersteun. Dit is tans ’n goeie tyd om aandag aan agterstallige e-posse te gee. GELUKKIGE NOMMERS
2, 14, 30, 47, 15, 7
RAM
21 MRT – 19 APR
Soos die son in jou teenoorgestelde teken Weegskaal inbeweeg, sal jy agterkom dat hierdie ekwinoks wat julle deel, inderdaad ’n aanduiding is van seisoenale verandering. Maak hierdie metafoor deel van jou lewe en kyk waar jy jou lewe fisiek en simbolies kan regruk. Die fokus val daarop om jou
finansies op datum en in orde te kry; begin dus deur jou lessenaar skoon te maak, jou papiere in te dien en jou belasting te hanteer. GELUKKIGE NOMMERS 25, 34, 48, 49, 38, 32
BUL
20 APR – 20 MEI
As jy nog nie reisplanne, plaaslik of internasionaal, begin maak het nie, sal dit ’n goeie tyd wees om jou opsies te ondersoek. Met uitgestrekte Jupiter wat met reis geassosieer word en tans in jou teken is, is daar geen beter tyd om planne te begin maak nie. Dis raadsaam om jou gesin by sulke reëlings in te sluit en ook hul insette en voorkeure in ag te neem. Dink hieraan as ’n groot bederf.
GELUKKIGE NOMMER
16, 20, 43, 51, 37, 18
TWEELING
21 MEI – 20 JUN
Met die son wat hierdie week in ’n medelugteken gaan sak, is jy in die bui om jou kreatiewe kant te verken en uit te druk. Dit kan onvermydelik altyd die een of ander vorm van woorde insluit, hetsy geskrewe, gesproke of in gedrukte vorm. Die geluk is aan jou kant met jou heerser Mercurius wat opgehef word deur die epiese Jupiter, wat nie net selfvertroue bring nie, maar ook ’n verskeidenheid geleenthede. Waarvoor wag jy? Die moontlikhede is eindeloos.
GELUKKIGE NOMMERS
5, 17, 42, 51, 28, 11
KREEF
21 JUN – 21 JUL
Hierdie tyd van die jaar is gewoonlik een van jou beste tye om op jou huis te fokus,
veral wat ’n lenteskoonmaak en tuinmaak betref. Daarby blyk jy tans baie gewild op die sosiale toneel te wees, met heelwat uitnodigings en geleenthede om by te woon. Selfs al is dit ietwat van ’n balanseertoertjie, is jy in staat om sowel jou sosiale lewe as jou huislewe goed te bestuur om ’n baie aangename tyd te hê. GELUKKIGE NOMMERS
3, 6, 19, 36, 7, 4
LEEU
22 JUL – 22 AUG
Daar is vandeesweek ’n geleentheid om jou loopbaanvooruitsigte te verbeter, hetsy deur harde werk of deur jouself of jou vaardighede te bevorder om jou reputasie te verbeter. Hoe dit ook al sy, dis ’n gepaste tyd om die voor-op-die-wa een te wees. As jy dit nie doen nie, wie sal? Voel jou weg deur besprekings, veral as jy dink geld en vergoeding kan opgehaal word. Moenie skaam wees om te vra wat jy dink jy werd is nie, maar wees bowenal verstandig. GELUKKIGE NOMMERS 25, 37, 46, 48, 40, 26
MAAGD
23 AUG – 22 SEP
Daar heers op die oomblik harmonie in jou lewe met jou heersende planeet, Mercurius wat in jou teken is, en die voordelige Jupiter se invloed. Benewens dat dit ’n aangename tyd is, wees op die uitkyk vir pasellatjies en geskenke wat jy dalk nie raakgesien of waardeer het nie. Om kennis te hê of te bekom, is een van die edel dinge in die lewe om te bereik. Oorweeg dit om jou biblioteek uit te brei. GELUKKIGE NOMMERS 6, 22, 44, 52, 29, 9