1 ‘DANKBAAR VIR MY GESONDHEID’
In Vetkoekpaleis het sy altyd gespog oor haar ou, Tiger. Nou soek Liane Heyl regtig na liefde ‘want ek wil nie meer alleen baguettes gaan koop nie’
Liewe Boeboe, jy weet mos ons is lief vir jou. Ons wil jou graag gelukkig sien. Vra vir Willie Esterhuizen om tog asseblief weer ’n reeks te skryf met jou in die hoofrol. Jy sal dan gelukkig. Iewers wag ’n man ongeduldig. DALEEN
Wat ek nie sou gee om weer saam met my ou man te gaan inkopies doen nie! Malls het ons vermy, anders het hy doodluiters op ’n bankie gewag. Daarna sou ons iets lekkers eet. Waardeer jul mans, al is hulle nie volmaak nie. ETRA
Vir baie mense werk dit om getroud te
wees. Ek wil asseblief nie ’n man hê nie. Dit klink na te veel werk, en ek love my single lewe! Sterkte Boeboe, hoop jy kry iemand wat vir jou goed is.
HD
Ek glo jy kan maklik
’n man kry. Maar die regte man is jou sielsgenoot, wat altyd daar is vir jou en die pad saam met jou stap. Ek en my vrou stap die pad nou al amper 55 jaar. Die een wil nie sonder die ander. Sterkte vir jou. JAN
2 Vra vir Irma: ‘My eks betaal nie onderhoud nie’
3
Boer Petré vind liefde met Marinel uit vorige seisoen van BSV
Dié ding dat vroue gedurig moet hof toe om ’n pa sy plig te laat nakom, moet end kry. Baie vroue gee moed op. Die egstelsel laat onskuldige kinders in die steek. Trek die geld van die pa se salaris af en betaal die ma. ANNELENE
Gaan terug hof toe.
Daar is nuwe wetgewing en die man moet sy verpligtinge nakom. Enkelouerskap is moeilik. My oorlede ouers het my my kinders help grootmaak. Vat sy ouers hof toe dat hulle dit betaal as hulle kan.
MARIETJIE
Marinel Lourens, jy straal behoorlik!
Daardie glimlag op jou gesig wat ek vanaand gesien het, was nie verniet so breed nie. Julle twee is pragtig saam. Ek wens julle net alle voorspoed toe. NADIA
Sien nou net. Jy kan nie mense bymekaar gooi in ’n kraal soos ’n klomp skape en dan vir hulle sê: “Kies nou vir jou ’n lewensmaat” nie. Want dalk is jou skaap iewers daar buite die kraal. JAQUELINE