GROENTE-ENFETAPOFFERS MET HARISSAJOGURT
LEWER 20 POFFERS / BEREIDING EN GAARMAAK: 15 MIN.
HARISSAJOGURT
125 ml (½ k) dubbeldik natuurlike jogurt
5 ml (1 t) harissapasta
1,25 ml (¼ t) vars suurlemoen- of lemmetjiesap fyn sout en vars gemaalde swartpeper, na smaak
GROENTE-EN-FETAPOFFERS
150 g gekookte pitmielies 150 g wortels, geskil en fyngerasper
1 salot, fyngekap 15 ml (1 e) fyngekapte vars pietersielie 50 g fetakaas 30 g koekmeel 2,5 ml (½ t) bakpoeier
1,25 ml (¼ t) fyn sout
1,25 ml (¼ t) vars gemaalde swartpeper
1 eier, liggies geklits groenteolie, vir braai
1 Harissajogurt
Meng die jogurt, harissa en sap in ’n klein bak en geur met die sout en peper. Plaas dit in die yskas tot jy gereed is om die poffers voor te sit.
2 Groente-en-fetapoffers Meng die pitmielies, wortels, salot en pietersielie in ’n bak. Krummel die feta oor. 3 Voeg die meel, bakpoeier, sout en peper by en meng goed. Voeg die eier by en meng tot die bestanddele gebind het.
4 Verhit 5 ml (1 t) van die groenteolie in ’n braaipan. Skep eetlepels vol van die beslag in die pan (so vier op ’n slag) en druk die hopies effens platter met die agterkant van die lepel. Braai die poffers ’n paar minute tot goudbruin en bros aan die onderkant. 5 Draai die poffers om en braai weer tot goudbruin en gaar. Dis belangrik dat die pan nie te warm is en die poffers buite donker is terwyl dit nog nie binne gaar is nie. 6 Plaas die gaar poffers op ’n bord met kombuispapier om te dreineer en hou dit warm terwyl jy die res van die poffers braai. Voeg ekstra olie in die pan by soos benodig.
7 Sit die poffers dadelik voor saam met die harissajogurt.