GROENKOESKOESSLAAI met TZATZIKI

KOESKOES GENOEG VIR 4-6 MENSE / BEREIDING EN GAARMAAK: 15 MIN.

250 ml (1 k) babaspinasie

160 ml (²⁄₃ k) komkommer, gekap ’n hand vol ment 250 ml (1 k) volkoringkoeskoes 250 ml (1 k) kookwater

’n knippie sout 15 ml (1 e) gekapte stingelui

15 ml (1 e) olyfolie

TZATZIKI

½ komkommer, grofgerasper ’n knippie sout

60 ml (¼ k) gekapte ment

60 ml (¼ k) gekapte dille

250 g klapper- of ongegeurde sojajogurt

5 ml (1 t) suurlemoensap

SLAAI

150 g gemengde slaaiblare 10-15 olywe, ontpit en gehalveer 120 g sondroë tamaties in olyfolie, gekap

½ geel soetrissie, saad verwyder en gekap

½ avokado, gesny 30 ml (2 e) gekapte dille

100 g radyse 125 g groenbone 125 g suikerertjies 1 granaat se pitte ’n skeut suurlemoensap vir afronding

1 Koeskoes Plaas die spinasie, komkommer en ment in ’n voedselverwerker of menger en pols tot ’n puree – skraap die kante ’n paar keer om seker te maak alles word goed ingemeng. Plaas die spinasiemengsel in ’n bak met ’n deksel. 2 Voeg die koeskoes, kookwater en sout by en roer deur. Maak die bak se deksel toe en laat staan 3-5 min.

3 Vlok die koeskoes met ’n vurk los. Voeg die stingelui by en bedruip met die olie. Meng weer en hou in die yskas tot nodig.

4 Tzatziki Besprinkel die komkommer met ’n knippie sout. Plaas in ’n tee- of kaasdoek, druk die oortollige vloeistof uit en plaas in ’n mengbak. 5 Voeg die ment, dille, jogurt, suurlemoensap en ’n knippie sout by. Meng goed en hou in die yskas tot nodig.

6 Slaai Pak al die slaaibestanddele op ’n opdienbord uit. Skep die koeskoes oor en rond af met ’n skeut suurlemoensap en nog olyfolie, indien verkies. Sit voor saam met die tzatziki.