SUURLEMOEN-enPEPERPASTA
GENOEG VIR 4 MENSE / BEREIDING EN GAARMAAK: 30 MIN.
1 blomkool, gewas en in blommetjies gebreek
250 ml (1 k) rou kasjoeneute, in warm water geweek en gedreineer 310 ml (1¼ k onversoete plantgebaseerde melk
15 ml (1 e) voedingsgisvlokkies
30 ml (2 e) suurlemoensap
10 ml (2 t) suurlemoenskil, plus ekstra vir afronding sout en swartpeper, na smaak
250 g pasta
15 ml (1 e) klapperolie
1 ui, gekap 1 suurlemoenskyfie 1 knoffelhuisie, fyngekap
300 g spinasie of krulkool, in repe gesny
15 ml (1 e) ekstra suurlemoensap
1 Bring ’n kastrol gesoute water tot kookpunt. Laat kook die blomkoolblommetjies tot sag. Dreineer met ’n gaatjieslepel en skep in die bak van ’n voedselverwerker of ’n menger. Behou die kookvloeistof in die kastrol. 2 Voeg die neute, melk, voedingsgisvlokkies, suurlemoensap en -skil en sout en peper by. Meng goed. Proe en geur met nog suurlemoen, sout en peper na smaak. Hou eenkant.
3 Bring die kastrol met kookvloeistof weer tot kookpunt en voeg ’n knippie sout by. Voeg die pasta by en laat kook tot al dente. Dreineer en hou eenkant.
4 Verhit intussen die klapperolie in ’n groot braaipan. 5 Voeg die ui en suurlemoenskyfie by en braai tot die ui deurskynend is. Voeg die knoffel by en braai verder tot die ui bruin is. Verwyder die suurlemoenskyfie. 6 Voeg die spinasie of krulkool by, geur met sout en peper, en braai tot verwelk. Roer die ekstra suurlemoensap deur en verwyder van die hitte. 7 Voeg die neut-enmelkmengsel by die spinasiemengsel in die pan, gevolg deur die gaar pasta. 8 Verhit die pasta oor ’n lae hitte en roer tot deurwarm. 9 Rond af met nog suurlemoenskil en sit dadelik voor.