KOEKSTRUIF met AARBEIE en ROOM
GENOEG VIR 4-6 MENSE / BEREIDING EN GAARMAAK: 60 MIN. SPONSKOEK
325 ml plantgebaseerde melk 15 ml (1 e) asyn 80 ml ( k) olyfolie 5 ml (1 t) vanieljegeursel
430 ml (1¾ k) meel 250 ml (1 k) suiker 5 ml (1 t) koeksoda 2,5 ml (½ t) sout
JELLIEBLOKKIES
250 g aarbeie, gesny
20 g-pakkie veganistiese jelliepoeier (genoeg vir 32 blokkies)
ROOM
250 ml (1 k) Orley Whip
AFRONDING
suiwelvrye donkersjokolade, vir oorrasper vars bessies mentblare
Voorverhit die oond tot 180 °C. Bespuit ’n 20 cm- ronde koekpan met kossproei. Hou ’n ysbakkie met plek vir 32 blokkies byderhand.
1 Sponskoek Klits die melk en asyn in ’n mengbak en laat staan 5 min. sodat die mengsel verdik. 2 Voeg die olie en vanieljegeursel by en klits goed.
3 Sif die droë bestanddele saam in ’n aparte bak.
4 Voeg die nat bestanddele by die droë bestanddele en klits saam tot daar nie meer klonte is nie, maar moenie te veel meng nie. 5 Giet die beslag in die voorbereide koekpan en tik die pan op ’n werkoppervlak sodat enige lugborrels in die beslag kan ontsnap.
6 Bak 40 min. of tot die kante begin verbruin en ’n toetspen skoon uit die middel van die koek kom. Laat in die pan afkoel, keer uit op ’n draadrak en laat heeltemal afkoel.
7 Jellieblokkies Plaas ’n skyfie aarbei in elke blokkie in die ysbakkie. (Silikoonysbakkies werk die beste.) Maak die jellie aan volgens die aanwysings op die verpakking en giet dit in die holtes met die aarbeie. Laat stol in die yskas.
8 Room Klop die Orley Whip met ’n elektriese handklitser tot styf. Wees versigtig om nie te veel te klits nie; die room moet kan smeer.
9 Sny die sponskoek in blokkies van
1 x 1 cm. Pak die helfte van die sponskoekblokkies in ’n glasbak, gevolg deur die helfte van die jellieblokkies. Skep dan die helfte van die geklopte room oor. Herhaal die proses met die res van die koek, jellie en room.
10 Afronding Rasper ’n bietjie donkersjokolade oor en rond af met ’n paar vars bessies en mentblare.