PORTUGESE HOENDER MET PERI-PERI-SOUS

GENOEG VIR 4-6 MENSE / BEREIDING: 20 MIN. / GAARMAAK: SOWAT 1 UUR SOETRISSIE

5 ml (1 t) olyfolie 1 rooi soetrissie, in die lengte gehalveer en ontpit

HOENDER

6-8 hoenderporsies sout en vars gemaalde peper

15 ml (1 e) olyfolie

SOUS

4 knoffelhuisies, gekap

1-2 rooi brandrissies, gekap

60 ml (¼ k) olyfolie 30 ml (2 e) witwynasyn sap en gerasperde skil van 1 suurlemoen 15 ml (1 e) gerookte paprika

5 ml (1 t) gedroogde origanum

2,5 ml (½ t) borrie 5 ml (1 t) sout 2,5 ml (½ t) vars gemaalde swartpeper

VIR VOORSIT

vars koljander of pietersielie suurlemoenwiggies broodrolletjies

Verhit die lugbraaier tot 200 °C. Bespuit ’n oondbak wat in die lugbraaier se mandjie of op die rakkie sal pas met kossproei. Bespuit ook die mandjie of rakkie van die lugbraaier met kossproei. Hou ’n vel kleefplastiek of ’n platieksakkie byderhand.

1 Soetrissie Smeer die olie oor die velkant van die soetrissie en pak in die mandjie of op die rakkie van die lugbraaier. Rooster 10-12 min. of tot die rissie geskroei is. Haal uit en bedek dadelik met kleefplastiek of plaas in die plastieksakkie. Hou eenkant tot afgekoel. 2 Hoender Pak die hoender in die oondbak. Geur met die sout en peper, smeer met die olie en rooster 15 min. Verlaag die temperatuur tot 180 °C en rooster nog 15 min.

3 Sous Verwyder die soetrissie uit die kleefplastiek of sakkie en trek die skil af. Plaas saam met die res van die sousbestanddele in die bak van ’n voedselverwerker en pols tot glad.

4 Giet die sous oor die hoender en rooster nog 15 min.

5 Vir voorsit Rond die hoender af met die vars koljander of pietersielie en sit voor saam met die suurlemoenwiggies en broodrolletjies.