HEEL BEESLENDE MET KRUIESOUS
GENOEG VIR 4-6 MENSE / BEREIDING: 20 MIN. / GAARMAAK: 15-20 MIN. / RUS: 5 MIN. VLEIS
1 kg heel beeslende, kamertemperatuur 30 ml (2 e) olyfolie 15 ml (1 e) vars gemaalde swartpeper 15 ml (1 e) pienk peperkorrels, grofgemaal sout na smaak
KRUIESOUS
250 ml (1 k) vars koljanderblare 2 jalapeño-brandrissies, grofgekap 1 knoffelhuisie, gekap
2 stingeluie, grofgekap
15 ml (1 e) olyfolie 60 ml (¼ k) natuurlike volroomjogurt 60 ml (¼ k) mayonnaise
’n skeut suurlemoensap sout na smaak
KRUIE-OLIE
125 ml (½ k) vars koljanderblare 5-10 ml (1-2 t) gedroogde brandrissievlokkies fyngerasperde skil van 1 suurlemoen 60 ml (¼ k) olyfolie ’n knippie sout
Verhit die lugbraaier tot 200 °C. Bespuit die rakkie of mandjie van die lugbraaier goed met kossproei.
1 Vleis Vryf die beeslende met die olie in en sprinkel die peper oor. Vryf goed in en geur met die sout. Pak die lende met die vetkant na bo in die mandjie of op die rakkie van die lugbraaier. Rooster 10 min. 2 Verlaag die temperatuur van die lugbraaier na 180 °C. Rooster die vleis nog 5-10 min. of tot gaar soos verkies. Haal die vleis uit en laat staan minstens 5 min. om te rus.
3 Kruiesous Plaas die koljanderblare, jalapeño’s, knoffel en stingeluie saam in die bak van ’n voedselverwerker en pols tot fyn. 4 Voeg die res van die kruiesousbestanddele by en pols tot glad en goed gemeng. Skep uit en hou eenkant.
5 Kruie-olie Pols al die oliebestanddele in die bak van ’n voedselverwerker tot fyn en goed gemeng. Hou eenkant.
6 Vir voorsit Sny die vleis in skywe en sit voor saam met die kruiesous en -olie, en bykosse van jou keuse.