DRIELAAGSJOKOLADEKOEK MET KARAMEL

LEWER 1 MIDDELSLAG-DRIELAAGKOEK (8 PORSIES) / BEREIDING: 30 MIN. / BAK: 25-30 MIN. / AFKOEL: 1-2 UUR / RAKKIE-BRAAIER) OF 1¼ UUR (MANDJIE-BRAAIER)

KOEK

750 ml (3 k) koekmeel

125 ml (½ k) kakao 10 ml (2 t) koeksoda 2,5 ml (½ t) sout 375 ml (1½ k) suiker

160 ml (²⁄³ k) olie 30 ml (2 e) witasyn 10 ml (2 e) vanieljegeursel

30 ml (2 e) sterk koffiepoeier opgelos in 125 ml (½ k) kookwater 375 ml (1½ k) koue water

AFRONDING

1 blik (360 g) karamel-kondensmelk eetbare blomme of ander versiering soos verkies

Verhit die lugbraaier tot 180 °C. Voer 3 koekpanne wat in die lugbraaier se mandjie of op die rakkie sal pas met bakpapier uit en bespuit goed met kossproei.

1 Koek Sif die koekmeel, kakao, koeksoda en sout saam in ’n groot mengbak. Meng die suiker by en maak ’n holte in die middel.

2 Klits die res van die koekbestanddele goed saam en giet in die holte wat jy in die droë bestanddele gemaak het. Klits goed tot die beslag glad en sonder klonte is.

3 Verdeel die beslag tussen die koekpanne. 4 In ’n rakkie-lugbraaier Plaas ’n koekpan op elke rakkie en bak 15 min. Ruil die koekpanne en bak nog 10-15 min. of tot die koeke gaar is en ’n toetspen skoon uit die middel kom.

In ’n mandjie-lugbraaier Plaas een van die koekpanne in die middel van die mandjie en bak 20-25 min. of tot die koek gaar is en ’n toetspen skoon uit die middel kom. Herhaal met die res van die koeklae. 5 Laat die koeklae

5 min. in die panne afkoel. Keer versigtig uit op draadrakkies en laat heeltemal afkoel.

6 Afronding Klop die karamel tot glad en sonder klonte. Smeer ’n derde van die karamel oor een van die koeklae. Plaas ’n koeklaag bo-op, gevolg deur nog ’n derde van die karamel. Plaas die laaste koeklaag bo-op en smeer die res van die karamel oor.

7 Versier die koek met eetbare blomme of ander versierings soos verkies.