HOENDERSNOEPKEBABS MET DOOPSOUS
LEWER 20-24 MINIKEBABS / BEREIDING: 15 MIN. MARINEER: 30 MIN. / GAARMAAK: 10 MIN.
Dis min moeite en blitsvinnig om gaar te maak. Hierdie heerlike happies kan selfs oor die kole gebraai word.
KEBABS
2 hoenderborsfilette
15 ml (1 e) gochujangpasta
15 ml (1 e) heuning 30 ml (2 e) sojasous 15 ml (1 e) olie sap van 1 suurlemoen of 10 ml (2 t) witwynasyn 2 knoffelhuisies, gerasper
5 cm-stuk vars gemmer, geskil en gerasper
DOOPSOUS
250 ml (1 k) natuurlike dubbeldik jogurt sap van 1 suurlemoen 1 knoffelhuisie, grofgekap 1 stingelui, grofgekap
125 ml (½ k) vars koljanderblare sout, na smaak
AFRONDING
’n bietjie olie, vir panbraai
5 ml (1 t) swart of wit sesamsaad (opsioneel)
Week 20-24 minikebabof peuselstokkies minstens 15 min. in kookwater.
1 Kebabs Sny die hoenderborsfilette in die lengte in dun repies (jy behoort meer as 20 repies uit groot filette te kan sny). Plaas in ’n marineerbak van glas of een wat nie van metaal is nie. 2 Klits die res van die bestanddele vir die marinade goed saam en giet oor die hoenderrepies. Meng deur, bedek en laat marineer minstens 30 min. of selfs oornag in die yskas.
3 Doopsous Sit die jogurt, suurlemoensap, knoffel, stingelui en koljanderblare in die bak van ’n voedselverwerker en pols tot glad. Geur met sout.
4 Afronding Haal die kebab- of peuselstokkies uit die water. Ryg 1 repie hoender soos ’n konsertina aan een van die stokkies. Herhaal met die res van die hoenderrepies en stokkies. 5 Verhit ’n bietjie olie in ’n kleefvrye pan en braai die hoenderkebabs in sarsies tot liggies geskroei aan albei kante en deurgaar – die kebabs braai gaar in net 2-3 min. 6 Sprinkel die sesamsaad oor, indien gebruik, en sit voor saam met die doopsous.