HOENDERBRIJANI
GENOEG VIR 4 MENSE / BEREIDING: 15 MIN. GAARMAAK: ONGEVEER 1 UUR
weergawe braai ons sommer in ’n oondbak. Ons gee dit woema met botterskorsie en lensies. Jy kan ook kekerertjies of ander boontjies deur die rys roer.
½ hoender sout en varsgemaalde swartpeper 15 ml (1 e) geroosterde masala
5 ml (1 t) brandrissievlokkies (opsioneel) 500 g botterskorsieblokkies
30 ml (2 e) olyfolie
RYS
4 x 250 ml (2 k) water 250 ml (1 k) halfgaar (parboiled) rys
5 ml (1 t) borrie 1 kaneelstokkie 2,5 ml (½ t) sout
AFRONDING
410 g-blik lensies, afgespoel en gedreineer
15 ml (1 e) botter sout, na smaak vars koljanderblare
Voorverhit die oond tot 200 °C. Bespuit ’n diep oondbak goed met kossproei.
1 Knip die hoender in 8 kleiner porsies. Geur elke porsie met die sout en peper, masala en brandrissievlokkies, indien gebruik. 2 Versprei die botterskorsie in die oondbak en geur met die sout. Pak die hoender tussen die botterskorsie en drup die olie oor. Rooster 15 min. 3 Verlaag die oondtemperatuur tot 180 °C en rooster nog 30 min. of tot die hoender goudbruin en gaar en die botterskorsie sag is. 4 Rys Giet intussen die water in ’n kastrol en voeg die rys, borrie, kaneelstokkie en sout by. Meng en bring tot kookpunt. Verlaag die hitte en laat prut 15 min. of tot die rys gaar is. Dreineer en hou eenkant.
5 Afronding Haal die oondbak uit die oond, skep die hoender uit en hou eenkant. Skep die rys bo-op die botterskorsie en voeg die lensies by. Voeg die botter by en meng alles liggies in die oondbak. Geur met sout, indien nodig. 6 Pak die hoender bo-op die rysmengsel en bak nog 10 min. Rond af met vars koljanderblare en sit voor.