NARTJIEDOUGHNUTS met ROOMKAASVERSIERSEL
LEWER 18-24 DOUGHNUTS / BEREIDING: 30 MIN. STAAN: 15-30 MIN. / RYS: 1 UUR 30 MIN. / BAK: 30 MIN.
GIS 1 x 7 g-pakkie kitsgis 125 ml (½ k) louwarm melk
250 ml (1 k) louwarm water
5 ml (1 t) suiker DEEG
6 x 250 ml (6 k) koekmeel + ekstra vir knie
5 ml (1 t) sout
5 ml (1 t) elk fyn gemmer en kaneel 2,5 ml (½ t) elk fyn kardemom en gemengde speserye 30 ml (2 e) suiker fyngerasperde skil van 1 nartjie
1 eier, geklits ekstra water, soos nodig VERSIERSEL
60 ml (¼ k) geroomde maaskaas
30 ml (2 e) sagte botter
250 g versiersuiker, gesif
5-10 ml (1-2 t) nartjieof suurlemoensap, indien nodig AFRONDING
olie, vir diepbraai
60 ml (¼ k) fyn klapper (opsioneel)
Bespuit ’n groot skinkbord met kossproei. Hou een groter en een kleiner sirkelkoekiedrukker byderhand.
1 Gis Meng die gis, melk, water en suiker goed en laat staan 15-30 min. op ’n warm plek of tot daar ’n dik skuimlaag op die oppervlak vorm.
2 Deeg Meng die meel, sout, speserye, suiker en nartjieskil in ’n diep mengbak. Maak ’n holte in die middel. 3 Klits die eier by die gismengsel in en giet in die holte van die droë bestanddele. Meng met ’n houtlepel tot die deeg klewerig begin raak. Voeg nog ’n bietjie water by as die deeg te droog is.
4 Keer die deeg op ’n meelbestrooide oppervlak uit en knie 5-10 min. of tot glad en elasties. 5 Vorm die deeg in ’n bal en sit in ’n diep, gesmeerde bak. Bedek, en laat rys 1 uur op ’n warm plek of tot dit in grootte verdubbel het. 6 Knie die deeg liggies af en rol uit tot 1 cm dik. Druk sirkels met die groter koekiedrukker. Druk ’n gaatjie in elkeen met die kleiner koekiedrukker, indien verkies, en pak op die gesmeerde skinkbord. Bedek en laat rys nog 15 min. op ’n warm plek.
7 Versiersel Klits die maaskaas en botter goed saam. Voeg die versiersuiker by en klits tot glad en romerig. As die versiersel te styf is, giet ’n bietjie nartjie- of suurlemoensap by.
8 Afronding Verhit genoeg olie in ’n kastrol vir diepbraai en braai die doughnuts in sarsies tot goudbruin en deurgaar. Dreineer op kombuispapier. Laat heeltemal afkoel. 9 Smeer die versiersel oor die doughnuts en sprinkel klapper oor, indien verkies. ❑