YSKASSAGOPOEDING met NARTJIEKONFYT
GENOEG VIR 6-8 MENSE / BEREIDING: 15 MIN. STAAN: 2 UUR / VERKOEL: 2-3 UUR / GAARMAAK: 25-30 MIN.
Sagopoeding kan koud of warm geniet word. Vir dié weergawe sit 1 ons dit koud en in glase voor, en ons rond dit af met ’n growwe en vinnige nartjiekonfyt. Vir ’n sterker nartjiegeur, laat die poeding oornag in die yskas staan. Die geur sal dan lekker deur die poeding trek. SAGO
250 ml (1 k) sago 500 ml (2 k) water POEDING
750 ml (3 k) melk fyngerasperde skil van 1 nartjie
125 ml (½ k) suiker 2,5 ml (½ t) sout 45 ml (3 e) botter 5 ml (1 t) vanieljegeursel NARTJIEKONFYT
4 nartjies, geskil en grofgekap
125 ml (½ k) fyn appelkooskonfyt AFRONDING
eetbare blomme
tjies (opsioneel) Sago Sit die sago in ’n bak en giet die water oor. Laat staan 2 uur of tot die sago uitgeswel is.
2 Poeding Giet die melk in ’n diep kastrol, voeg die nartjieskil by en verhit tot die melk op die oppervlak begin stoom.
3 Voeg die sago by en bring tot kookpunt. Verlaag die hitte, en laat prut die sago 20-25 min. of tot dit glaserig en gaar is en nie meer wit nie. Roer gereeld om te verhoed dat dit vasbrand.
4 Roer die suiker, sout en botter by, en meng tot die botter en suiker gesmelt is. Verwyder van die hitte en roer die vanielje by.
5 Laat die poeding eenkant staan tot heeltemal afgekoel. Verdeel dit daarna tussen 6-8 glase en verkoel minstens 1 uur in die yskas of selfs oornag.
6 Nartjiekonfyt Sit al die bestanddele in ’n kastrol en verhit tot die mengsel begin prut. Roer goed en laat nog 2-3 min. oor lae hitte prut. Verwyder van die hitte, skep uit en laat heeltemal afkoel. Bêre in die yskas tot nodig.
7 Afronding Skep van die konfyt boop elke poeding en rond af met eetbare blommetjies, indien verkies. Sit koud voor.