JOU STERRE
BOOGSKUTTER
22 NOV – 20 DES
Dit lyk of jy nie vandeesweek ’n uitlaatklep vir jou woede of frustrasie het nie. Loop lig en moenie die noodlot tart nie. Dit is ’n tyd om deernis te betoon, veral teenoor ’n behoeftige familielid of iemand in jou uitgebreide familie wat in ’n moeilike situasie is. Wees vrygewig, want dit is goed om te deel. Wanneer die son op die 22ste by jou teken inbeweeg, sal jy weer jou ou self wees.
GELUKKIGE NOMMERS
3, 33, 38, 45, 36, 16
STEENBOK
21 DES – 20 JAN
Wees gewaarsku dat jy dalk rondom die 18de met vriende kan koppe stamp. Jy is waarskynlik keelvol vir iemand se aanstootlike gedrag. Dit is die regte tyd om jou te laat geld, jou standpunte te stel en vir hierdie mens aanbevelings te maak. Wanneer jy eers weet jy word ernstig opgeneem, moet jy ’n sagter benadering begin volg en wys dat jy regtig omgee. ’n Stil fase begin op die 22ste. Dit is ’n goeie tyd om jou batterye te herlaai. GELUKKIGE NOMMERS
8, 15, 31, 32, 29, 10
WATERDRAER
21 JAN – 18 FEB
Dit is ’n besonder belangrike week vir jou in jou loopbaan. Jy moet jou laat geld om jou gebied te verdedig. ’n Mededinger daag jou waarskynlik uit vir jou posisie of ’n bevordering. Jou reaksie gaan afhang van hoeveel dit vir jou beteken en moet weerspieël wat vir jou belangrik is. Vir jou gaan dit oor veel meer as net die geld. Dit
gaan oor integriteit, spangees en lojaliteit. GELUKKIGE NOMMERS 49, 24, 11, 3, 12, 46
VISSE
19 FEB – 20 MAR
Dit is nie die beste week om by regsake betrokke te raak of dit uit te daag nie, veral as jy geneig is om oorboord te gaan of kop te verloor. Niemand wil ’n spektakel van hulself maak nie, al lyk dit ’n bietjie soos ’n sepie. As jy jou punt wil oordra, doen dit slim pleks van uitdagend. Jy het ’n reputasie om te beskerm en van die 22ste af sal dit by die werk sterker na vore kom. GELUKKIGE NOMMERS
10, 17, 30, 43, 29, 14
RAM
21 MRT – 19 APR
Jy is vandeesweek ywerig en vol lewenslus en dryfkrag wanneer jou heerser, Mars, op die 18de met die lewegewende son saamsmelt. Jy word net beperk deur wat jou verbeelding kan oproep. Laat jou fantasie vir jou meer van jou wense en begeertes vertel. Jou ander kant kom dalk as hardekwas of aanvallend na vore, maar daar is geen verskoning vir swak gedrag nie. Ná die 22ste verloop die lewe vir jou gladder.
GELUKKIGE NOMMERS
5, 11, 39, 43, 38, 7
BUL
20 APR – 20 MEI Vandeesweek kan al die opgeboude emosies, frustrasies en seerkry tussen jou en jou lewensmaat uit blote irritasie oorborrel. ’n Goeie, skoon rusie kan die lug suiwer, maar dit is te afbrekend om beledigings rond te slinger. Kies jou geveg versigtig en hou skadebeheer in
gedagte. Ná die 22ste sal die donker wolk lig en ’n nuwe, meer optimistiese stemming seëvier.
GELUKKIGE NOMMERS 26, 42, 50, 51, 43, 27
TWEELING
21 MEI – 20 JUN
Dit is nie die maklikste week om met jou kollegas oor die weg te kom nie, en jy moet oppas dat jou geneigdheid om mense te terg nie as uitlokkend vertolk word nie. Dit lyk of daar volop verskille is, en frustrasie kan in rusies en beskuldigings oorkook. Al moes dit lankal gebeur het, is dit nie opbouend of positief nie. Gebruik jou humor om die toon te versag en te maak dat mense hulself minder ernstig opneem. GELUKKIGE NOMMERS
4, 12, 27, 50, 18, 8
KREEF
21 JUN – 21 JUL
Dit lyk of jy vandeesweek net nie genoeg pret en genot kan kry nie en daar is geen rede waarom nie. Jy is van nature ’n saggeaarde siel. Let daarop dat jy nie te hard of streng met kleintjies is nie, veral die stoutes. As jy in ’n bui is vir ’n waagstuk, herinner jouself om net dit op die spel te plaas wat jy bereid is om te verloor. Dit is dalk tyd om aan ander maniere te dink om opwinding te kry, want dit lyk of dit is wat jy soek.
GELUKKIGE NOMMERS
8, 20, 44, 48, 22, 12
LEEU
22 JUL – 22 AUG
Die planeet van woede en aggressie, Mars, ontmoet op die 18de jou heerser, die son. Dit bring heel moontlik die kant van mense na vore wat nie so mooi is nie. Jy word dalk maklik uitgelok, raak gou kwaad of gedra jou op ’n manier wat anders as jou gewone waardige self is. Dit alles gebeur in die domein van huis en gesin, en jy wil regtig nie ’n familiegeveg ontketen of daarby betrokke raak nie. Kyk na die groter prentjie en vind ’n uitweg uit die gemors.
GELUKKIGE NOMMERS
15, 27, 38, 51, 32, 21
MAAGD
23 AUG – 22 SEP
Jy is hierdie week glad nie in ’n bui vir doekies omdraai nie. Maar voor jy lostrek en verhoudings bederf, moet jy eerder gaan sit en alles neerskryf wat jy wil sê. Sodoende kan jy oor die saak slaap, jou woorde die volgende dag weer lees en dit aanpas waar jy voel dit nodig is. Soms kan woorde meer skade aanrig as wat bedoel is. Wees medelydend en doen dit op ’n menslike manier.
GELUKKIGE NOMMERS 9, 28, 39, 52, 33, 17
WEEGSKAAL
23 SEP – 22 OKT
Jou lewensmaat het skynbaar nie meer geduld oor om ’n uitgerekte en voortslepende geldsage te hanteer nie. Jy moet eerder jou onderhandelingstaktiek inspan en hulle kalmeer voor hulle die pad byster raak. Dit is een ding om te baklei vir dit wat joune is en ’n ander ding om kwaad te raak vir die ontwil van kwaad raak. Jy is ’n meester daarmee om mense te oorreed om redelik en regverdig te wees. Nou is die tyd om jou goeie onderhandelingsvaardighede te toon.
GELUKKIGE NOMMERS
7, 21, 32, 36, 25, 8