BROCCOLI -&- BEESVLEISROERBRAAI
GENOEG VIR 4 MENSE / BEREIDING: 20 MIN. / GAARMAAK: 30 MIN. ROERBRAAI
300 g steak of eenminuutsteak, in repies gesny
5 ml (1 t) Chinese vyfspeserye sout, na smaak 60 ml (¼ k) meel olie, vir vlakbraai 2-3 rooi brandrissies, gekap 2 knoffelhuisies, gekap
5 cm-stuk vars gemmer, geskil en in dun stokkies gesny 30 ml (2 e) ligbruinsuiker
30 ml (2 e) heuning 30 ml (2 e) sojasous 5 ml (1 t) vissous 350-400 g broccoli, in kleiner boompies gebreek
100 g geroosterde kasjoeneute of 50 g geroosterde grondboontjies
RYS
30 ml (2 e) olie 2 eiers, geklits 4 stingeluie, gekap 750 ml (3 k) gaar basmatirys, goed gedreineer ’n knippie witpeper sout, na smaak
1 Roerbraai Geur die steakrepies met die speserye en geur met sout. Sprinkel die meel oor en meng goed deur. 2 Verhit genoeg olie in ’n diep pan vir vlakbraai. Skud enige oortollige meel van die steakrepies af. Braai die repies in sarsies tot bros, skep uit en dreineer op kombuispapier. 3 Giet die meeste van die olie uit die pan uit. Voeg die rissies, knoffel en gemmer in die pan by en roerbraai tot geurig.
4 Meng die suiker, heuning, sojasous en vissous saam en giet in die pan. Roer goed deur en voeg die broccoli by. Roerbraai ’n minuut. Voeg die vleisrepies by en verhit.
5 Roer die kasjoeneute of grondboontjies by, haal van die hitte af en hou eenkant.
6 Rys Verhit die olie in ’n diep pan. Giet die eiermengsel by en roerbraai ’n paar sekondes tot gestol. Skep die eier uit en voeg die stingeluie by. Roerbraai tot gaar.
7 Voeg die rys by en roer die eier by. Geur met die witpeper en sout na smaak. 8 Sit die broccoli-enbeesvleisroerbraai voor saam met die eierrys.