PORTUGESE SEEKOSPOTJIE
GENOEG VIR 4 MENSE / BEREIDING: 15 MIN. / GAARMAAK: 25-30 MIN.
Ons gebruik chorizowors om hierdie potjie ’n rokerige geur te gee. Jy kan selfs gesnipperde spek pleks van die wors gebruik.
30 ml (2 e) olyfolie 100 g chorizo, in skyfies gesny
1 ui, fyngekap 2 knoffelhuisies, fyngekap 2 lourierblare
5 ml (1 t) paprika 2,5 ml (½ t) borrie 50 g tamatiepasta 60 ml (¼ k) droë witwyn (opsioneel) 125 ml (½ k) hoenderaftreksel
1 x 400 g-blik gekapte tamaties
5 ml (1 t) suiker
1 kg halfskulpmossels sout en varsgemaalde swartpeper
AFRONDING
’n hand vol vars pietersielie, grofgekap kersietamaties, in skyfies gesny vars basilieblare (opsioneel) suurlemoenwiggies Portugese rolletjies
1 Verhit die olie in ’n diep pan of potjie en braai die chorizo tot bros. Skep uit en hou eenkant. 2 Braai die ui in dieselfde pan tot gaar. Voeg die knoffel en lourierblare by en roerbraai tot geurig. 3 Meng die paprika en borrie deur. Voeg die tamatiepasta by en roerbraai ’n paar sekondes.
4 Giet die wyn by, indien gebruik, en roerbraai 1 min. Voeg die aftreksel en gekapte tamaties by en bring tot kookpunt. 5 Verlaag die hitte en skep die chorizo terug in die pan. Voeg die suiker by en laat die sous 5 min. prut. Roer af en toe om te keer dat die sous vasbrand. 6 Plaas die mossels in die pan en roer liggies deur. Bedek die pan met ’n noupassende deksel en laat stowe die potjie 3-5 min. of tot die mossels gaar is. 7 Haal die deksel af en geur die sous met die sout en peper, na smaak.
8 Afronding Sprinkel die pietersielie en kersietamaties oor en rond af met vars basilie, indien verkies. Sit voor saam met die suurlemoenwiggies en rolletjies.