PIRI-PIRI-HOENDER
LEWER 500 ML (2 K) SOUS / GENOEG VIR 6 MENSE (HOENDER) BEREIDING: 30 MIN. / MARINEER: 2 UUR OF OORNAG / GAARMAAK: 1 UUR 30 MIN.
Ons maak ’n tuisgemaakte piri-piri-sous. Jy kan hierdie sous selfs ’n paar dae voor die tyd berei en in die yskas bêre. Ons gebruik dit as ’n marinade vir hoender. Die hoender is ook heerlik as dit oor die kole gebraai word.
SOUS
2 rooi soetrissies 1 geel soetrissie olie vir smeer 1 rooi-ui
4-6 knoffelhuisies 4-6 rooi brandrissies sap en gerasperde skil van 1 suurlemoen 15 ml (1 e) gerookte paprika 5 ml (1 t) rooipeper 5 ml (1 t) origanum 2,5 ml (½ t) roosmaryn
125 ml (½ k) olyf- of sonneblomolie 30 ml (2 e) witwynasyn
2,5-5 ml (½-1 t) sout
HOENDER
1 heel hoender sout en varsgemaalde swartpeper
VIR VOORSIT
vars pietersielie, gekap suurlemoenwiggies
Voorverhit die oond tot 200 °C. Smeer ’n oondbak liggies met olie. Sit ’n draadrakkie op ’n bakplaat en bespuit met kossproei. Steriliseer ’n glasfles of -bottel.
1 Sous Smeer die soetrissies aan die skilkant liggies met die olie en pak op die bakplaat. Voeg die ui en knoffel by en drup ’n klein bietjie olie oor. Rooster 15-20 min. of tot die soetrissies liggies geskroei en die ui en knoffel sag is.
2 Sit die warm soetrissies in ’n plastieksak, seël goed en laat dit in die sak afkoel – die soetrissies moet sweet sodat die skil makliker aftrek. Haal die soetrissies uit die sak uit en trek die skil af.
3 Haal die skil van die ui af en druk die
knoffel uit die skil.
4 Plaas die soetrissies, ui, knoffel, brandrissies, suurlemoensap en -skil, paprika, rooipeper, origanum en roosmaryn in die bak van ’n voedselverwerker. Voeg die olie en asyn by en pols tot glad. Geur met die sout na smaak. 5 Skep die sous in ’n fles of bottel, seël goed en bêre vir tot 3 weke in die yskas.
6 Hoender Sny die ruggraat van die hoender uit. Draai die hoender om en druk dit plat met die palm van jou hand. (Die borsbeen sal breek.) Sny kepe in die vel van die hoender. Geur die plathoender met die sout en peper. 7 Plaas die hoender in ’n marineerbak en giet 250 ml (1 k) van die bereide piri-pirisous oor. Maak seker die hoender is goed met die sous bedek. Bedek die bak en laat marineer die hoender minstens 2 uur of oornag in die yskas. 8 Voorverhit die oond tot 200 °C. Plaas die hoender met die velkant na bo op die draadrakkie. Rooster 15 min. Verlaag die oond tot 180 °C en rooster nog 35-40 min. of tot die hoender deurgaar en liggies geskroei is. 9 Vir voorsit Sny die hoender in porsies, sprinkel die pietersielie oor en sit voor saam met die suurlemoenwiggies, ekstra piri-piri-sous en bykos van jou keuse.