MAKLIKE PASTÉIS DE NATA
LEWER 12 TERTJIES / BEREIDING: 30 MIN. / GAARMAAK: 35-40 MIN. DEEG
45 ml (3 e) suiker 5 ml (1 t) fyn kaneel 1 x 400 g-rol skilferkorsdeeg
’n bietjie meel, vir uitrol
30 ml (2 e) botter, gesmelt
VULSEL
310 ml (1¼ k) melk 1 kaneelstokkie gerasperde skil van 1 suurlemoen (opsioneel)
60 ml (¼ k) meel ’n knippie sout 3 eiergele, geklits
Voorverhit die oond tot 180 °C. Bespuit ’n muffinpan met 12 holtes goed met kossproei.
1 Deeg Meng die suiker en kaneel. Rol die deeg liggies op ’n meelbestrooide oppervlak uit. Verf met die botter en sprinkel die kaneelsuiker oor.
2 Rol die deeg op soos ’n rolkoek en knyp die soom vas. Sny die deegrol in 12 wiele. Sit ’n wiel in elke muffinholte. Druk elke wiel platter sodat dit die bodem en halfpad teen die kante van elke holte uitvoer. Bêre in die yskas tot nodig.
3 Vulsel Giet 250 ml (1 k) van die melk in ’n klein kastrol, voeg die kaneelstokkie en skil, indien gebruik, by en verhit tot die melk begin stoom. Haal die kaneelstokkie uit.
4 Meng die res van
die melk met die meel en voeg by die gegeurde melk in die kastrol. Klits oor lae hitte tot die mengsel begin prut. Roer tot die mengsel begin verdik, laat 2-3 min. prut en voeg die sout by. 5 Verwyder van die hitte en klits vinnig die eiergele by. Verdeel die mengsel tussen die uitgevoerde holtes en bak 15-20 min. of tot die deeg bros en gaar is. 6 Verhoog die oondtemperatuur tot 230 °C en rooster nog 1-2 min. of tot die vulsel liggies geskroei of goudbruin is.
7 Laat die pasteitjies 5 min. in die pan afkoel, maak die kante liggies los en keer op ’n draadrakkie uit. Sit die pasteitjies louwarm, by kamertemperatuur of koud voor.