SJOKOLADEKOEKIES met LEMOENGANACHE
GENOEG VIR 30 / BEREIDING EN BAK: 4 UUR (SLUIT 3 UUR AFKOELTYD IN)
LEMOENGANACHE
195 ml kloproom skil van 1 lemoen 2,5 ml (½ t) vanieljepasta
430 g melksjokolade van goeie gehalte
KOEKIES
265 g ligte bruinsuiker 5 m (1 t) seesout 115 g ongesoute botter, by kamertemperatuur 1 groot eier
5 m (1 t) vanieljepasta
155 g koekmeel 2,5 ml (½ t) koeksoda
110 g melksjokolade van goeie gehalte, grofgekap 110 g donkersjokolade van goeie gehalte, grofgekap 90 g graanvlokkies, gekrummel
1 Ganache Plaas die room, lemoenskil en vanielje in ’n klein kastrol en bring tot kookpunt oor matige hitte terwyl jy roer. 2 Plaas die melksjokolade in ’n glasbak. Gooi die room sodra dit kook deur ’n sif oor die sjokolade. Roer tot die sjokolade heeltemal gesmelt het en glad is.
3 Plaas kleefplastiek direk op die oppervlak van die ganache en laat staan 2-3 uur by kamertemperatuur om af te koel. Skep die afgekoelde ganache in ’n spuitsak.
4 Koekies Voorverhit die oond tot 170 °C. Voer ’n bakplaat met bakpapier uit. 5 Plaas bruinsuiker, sout en botter in die bak van ’n staanmenger en klits teen matige spoed tot glad. 6 Voeg die eier en vanielje by en meng.
7 Sif die koekmeel en koeksoda, voeg by die klam bestanddele en klits tot heeltemal gemeng. 8 Voeg die gekapte donkersjokolade en gekrummelde graanvlokkies by en meng deur. 9 Plaas die deeg ’n uur in die yskas. 10 Rol teelepels vol van die deeg in balle. Pak sowat 4 cm uit mekaar op die bakplaat en druk elkeen effens platter.
11 Bak 10 min. of tot goudbruin. 12 Haal die koekies uit die oond en laat dit afkoel tot kamertemperatuur. Herhaal met die res van die deeg. 13 Spuit die ganache in die spuitsak op die helfte van die koekies en plak ’n skoon koekie daarop vas sodat dit soos ’n toebroodjie lyk.
14 Jy kan die koekies tot 2 weke by kamertemperatuur in ’n lugdigte houer bêre.