TANDOORIHOENDER met GEROOSTERDE KEKERERTJIESLAAI
GENOEG VIR 4 MENSE / BEREIDING EN GAARMAAK: 40 MIN. / VERKOEL: MINSTENS 1 UUR TANDOORI-HOENDER
180 ml (¾ k) natuurlike jogurt 15 ml (1 e) fyngerasperde vars gemmer 6 knoffelhuisies, fyngedruk
15 ml (1 e) tandooripasta
5 ml (1 t) garam masala
10 ml (2 t) fyn komyn
5 ml (1 t) fyn koljander
1 rooi brandrissie, grofgekap
10 ml (2 t) gerasperde vars borrie 600 g ontbeende hoenderdye, in stukke gesny
KEKERERTJIESLAAI
1 x 400 g-blik kekerertjies, gedreineer en afgespoel 1 rooi-ui, in wiggies gesny
15 ml (1 e) olyfolie 10 ml (2 t) garam masala
160 g babaspinasieblare 125 ml (½ k) koljanderblare
30 ml (2 e) suurlemoensap sout en peper, na smaak
VIR VOORSIT
suurlemoenwiggies
Voorverhit die oond tot 200 °C. 1 Meng die jogurt, gemmer, knoffel, tandooripasta, speserye, brandrissie en borrie goed. 2 Giet die marinade oor die hoender en vryf goed in. Laat die hoender minstens ’n uur in die yskas marineer. 3 Kekerertjieslaai
Meng die kekerertjies, ui, olie en garam masala in ’n mengbak. Sprei uit op ’n bakplaat of oondpan en bak 20 min. of tot die kekerertjies goudbruin en die ui sag is. Laat afkoel. Skep die kekerertjies en ui in ’n groot bak. Voeg die spinasie, koljander en suurlemoensap by en geur met die sout en peper.
4 Skakel die roosterelement van die oond aan. Pak die gemarineerde hoenderstukke op ’n rooster- of riffelplaat en rooster 5 min. of tot roostermerke verskyn. Draai om en rooster nog 5 min. of tot roostermerke verskyn. Sorg dat die hoender deurgaar is. Haal uit die oond, bedek lossies met foelie en laat die hoender 5 min. rus. 5 Voeg die hoenderstukke by die kekerertjieslaai. Geur na smaak en sit voor saam met die suurlemoenwiggies.