Nuut op die rakke
Bagasie vir die vakansiekoffer
DIANA SE DAG Deur HELENE DE KOCK Human & Rousseau, R289*
Met haar 80ste verjaardag verlede maand kon die geliefde skrywer Helene de Kock terugkyk op ’n lewe wat sy voluit geleef het et
– en vandag nog maak sy so.
“My toekomsplanne is baie e dieselfde as enige ander jaar. Om m lief te hê en om te skryf,” sê sy. “Ek k is besig met ’n opvolg op Diana se dag, naamlik Drome het ook asem. Ek hoop maar die uitgewers gaan ook daarvan hou, want ek skryf heerlik, hoewel – soos altyd – moeilik daaraan. So my toekomsplanne hang natuurlik nie van my af nie. Dis alles suiwer er genade van Bo.”
Eloise Wessels, NB Uitgewers se uitvoeit rende hoof, sê: “Ek het ’n dekades lange persoonlike én werkverhouding met Helene. Sy is op meer as een manier soos geliefde familie – ek koester dit, soos wat haar boeke vir haar lesers koestering en plesier bied. Haar romans verskaf wonderlike leesgenot, ook by die herlees tydens ’n slapelose nag of ’n ontspanne vakansiedag.”
Helene is bekend vir haar heerlike liefdesverhale, en in die langer as 30 jaar wat sy al skryf, het meer as 40 boeke uit haar pen verskyn. Hierby het sy op 71 ’n doktorsgraad in skryfkuns ontvang nadat sy haar meestersgraad in skeppende skryfkuns cum laude geslaag het.
Haar jongste roman, Diana (uitgespreek soos die naam van die oorlede Britse prinses), bevat al die elemente wat maak dat ’n mens jou voordeur dig toemaak en hoop niemand kom kuier nie. Want wanneer jy ingetrek word in die wêreld van Diana Botha, wynmaker van die spoglandgoed Soeterwijn, wil jy so lank moontlik ongesteur daar bly.
Die lewe het met hierdie mooi meisie sulke onvoorspelbare draaie gevat. Die gesin was ryk en bevoorreg – tot haar pa in die tronk beland het weens bedrog, en sy en haar ma en broer in ’n krotbuurt eindig. Sy kry ná skool ’n studiebeurs en gaan leer om wyn te maak op Stellenbosch.
Diana se eerste pos op ’n pragtige Bolandse wynplaas is meer as waarvan sy ooit kon droom, en boonop kan die baas van die plaas, Duncan Weston, nie sy oë van haar afhou nie.
Daar is natuurlik komplikasies, waarvan Duncan se snobistiese ma net een is. Die ander grote is die chirurg Lutz Weilandt saam met wie sy op skool was en wat dus weet waar sy vandaan kom.