GEROLDE LAMSBLAD GEVUL met HARISSAKOESKOES
GENOEG VIR 8 MENSE / BEREIDING EN GAARMAAK: 1 UUR 30 MIN.
HARISSA 2 middelslag- rooi soetrissies
15 ml (1 e) olyfolie 1 klein rooi-ui, grofgekap 4 knoffelhuisies, grofgekap
15 ml (1 e) fyn koljander
15 ml (1 e) karwysaad 10 ml (2 t) fyn komyn
1 vars rooi brandrissie, gekap
15 ml (1 e) fyngekapte ingelegde suurlemoenskil 30 ml (2 e) fyngekapte vars kruisement KOESKOES
65 g koeskoes 80 ml ( k) kookwater LAMSBLAAIE
2 x 750 g- gerolde lamsblaaie
60 ml (¼ k) dennepitte, gerooster 125 ml (½ k) grofgekapte vars kruisement
15 ml (1 e) olyfolie
Voorverhit die oond tot 200 °C.
1 Harissa Plaas die soetrissies op ’n bakplaat en rooster 20 min. of tot die skil begin swart word. (Los die oond aan.) Bedek die soetrissies met kleefplastiek en laat 5 min. sweet Trek die skil af en gooi die skille, stam en saad weg. 2 Verhit terselfdertyd die olyfolie in ’n klein braaipan. Braai die ui en knoffel tot sag. Voeg die speserye by en braai tot geurig. Plaas die soetrissies en uiemengsel saam met die res van die bestanddele in ’n voedselverwerker en pols tot glad.
3 Koeskoes Plaas die koeskoes en water saam in ’n middelslagbak en laat staan 5 min. Roer die harissa by.
4 Lamsblaaie Plaas die lamsblaaie met die vetkant na onder op ’n bord. Versprei die koeskoesmengsel oor die vleis en sprinkel die dennepitte en kruisement oor. Rol die vleis styf op en bind dit stewig vas met kombuistou met 2 cm-intervalle. 5 Verhit die olie in ’n groot oondpan en braai die vleis tot bruin reg rondom. 6 Plaas die pan met die vleis in die oond en rooster 45 min. Haal die vleis uit die oond en bedek met foelie. Laat staan 10 min. voor jy dit voorsit.