KYK WIE BRING DIE FEESGEES
Die KFM-aanbieder CARLRL WASTIE was nog altyd ’n bok vir sports. Hierdie feestydtydy maak hy sy sepiedebuut in n SUIDOOSTER, waar hy y soos een van Kersvader se helpersh aangetrek is
DIE radio- en televisieaanbieder bring hierdie feestyd die Kersgees na die fiktiewe dorpie Ruiterbosch. Carl daag by die eiendomsagentskap JPD op aangetrek soos ’n elf met ’n sak vol geskenke. Maar dit lyk of hy met die instrapslag die sakevrou Bridgette Jacobs (Denise Newman) verkeerd gaan opvryf.
“Ek wil nie te veel weggee nie, maar dis ’n prettige kameerol wat ongetwyfeld gevoelens van Feesvreugde sal bring vir almal wat die episode kyk,” sê Carl.
Hy was nog altyd ’n aanhanger van die sepie en grap altyd in sy radioprogram The Flash Drive dat hy hoop om eendag ’n rol daarin los te slaan. Boonop is hy vriende met van die sepie se akteurs, en sy nuwe mede-aanbieder van The Flash Drive, Tarryn Lamb, het al ’n Safta losgeslaan vir haar rol as Kim Adams in Suidooster.
Tog was Carl “in ongeloof” toe hy hoor hy het ’n rol gekry.
“Ek het gedink my vervaardiger, Petrus Botha, maak ’n grap toe hy sê hy het ’n e-pos van die Suidoosterspan gekry oor my rol. Dit het regtig werklik geword toe ek die akteur Dean Smith (Wade Daniels in Suidooster) as ’ n gas in die Drive- program gehad het wat my letterlik genooi het as ’n verrassing.”
Hy gaan nie net vir kykers die
Kersgees bring nie; hy sien sélf uit na die feestyd.
“Ek werk altyd tot Kersfees as seremoniemeester en is besig met ander uitsaaiwerk, maar die feestyd bring net soveel geluk en positiwiteit, so ek kan eerlikwaar nie wag nie.
“Ek is ’n bietjie van ’n foodie, so die tradisie is om altyd iets nuuts op die Kerstafel te beproef. Plus ons familie maak middernag geskenke oop, waarvan ek hou.”
Soos altyd het hy ’ n spesiale boodskap vir alle Huisgenoot- lesers: “Ek wil vir alle lesers ’n mooi feestyd toewens. Wees veilig, wees vriendelik, en maak soveel herinneringe moontlik!”