WITSJOKOLADEMOUSSE met ESPRESSO-JELLIE
GENOEG VIR 8 MENSE / BEREIDING EN GAARMAAK: 1 UUR 30 MIN. (+ TYD VIR AFKOEL EN VRIES)
SJOKOLADEMOUSSE 250 g witsjokolade, gekap
250 ml (1 k) verdikte room
2 eiers, geskei
10 ml (2 t) vanieljeekstrak
30 ml (2 e) strooisuiker ESPRESSO-JELLIE
30 ml (2 e) strooisuiker
30 ml (2 e) koffielikeur
250 ml (1 k) water 15 ml (1 e) espressokoffiepoeier
80 ml ( k) kookwater
12,5 ml (2½ t) gelatienpoeier AMANDELPRALIEN
125 ml (½ k) gepelde amandels 250 ml (1 k) strooisuiker
125 ml (½ k) water
Sny 8 vierkante van 30 cm uit bakpapier. Vou elkeen diagonaal in die helfte om driehoeke te vorm. Hou die toppunt van die driehoek na jou, en rol dan die papier in ’n horinkievorm, met die drie punte van die driehoek wat bymekaarkom. Kram die drie punte aan mekaar vas en plaas die horinkies in lang glase of bekers. 1 Sjokolade-mousse
Plaas die sjokolade en 60 ml (¼ k) van die room in ’n klein kastrol en roer oor lae hitte tot glad. Giet die sjokolademengsel in ’n groot bak en laat 5 min. afkoel. Roer die eiergele by. 2 Plaas die res van die room en die vanielje in ’n bak en klits tot sagte punte vorm.
Vou die room by die sjokolademengsel in.
3 Plaas die eierwitte en strooisuiker in ’n bak en klits tot die suiker opgelos het en sagte punte vorm. Vou die eierwitte in twee sarsies by die sjokolademengsel in. Verdeel die mengsel tussen die horinkies. Plaas vir 6 uur of oornag in die vrieskas tot gestol en ferm.
4 Espresso-jellie
Plaas die strooisuiker, likeur en water in ’n klein kastrol en roer oor matige hitte tot die suiker gesmelt het. Meng die poeier en kookwater. Voeg dit by. 5 Hou ½ k van die koffiestroop eenkant. Sprinkel die gelatien oor die res van die stroop in die kastrol en roer oor lae hitte tot die gelatien opgelos het. Laat staan 15 min. om af te koel. Spoel ’n vierkantige koekpan van 15 x 15 cm met koue water uit sonder om dit af te droog. Plaas die jellie in die pan, bedek en plaas vir 2 uur of tot gestol in die yskas. 6 Amandelpralien
Voorverhit die oond tot 180 °C. Versprei die amandels in ’n enkellaag op ’n bakplaat en rooster 5 min. of tot ligbruin. Plaas die strooisuiker en water in ’n klein pot en roer oor matige hitte tot die suiker opgelos het. Bring tot kookpunt en laat
kook 10 min. oop en sonder om te roer of tot ’n karamelkleur. Haal van die plaat af en wag tot die karamel ophou borrel voor jy dit oor die amandels giet. Laat afkoel tot hard en breek die pralien in stukke.
7 Keer die jellie op ’n bord uit en sny dit in 1 cm-blokkies. Plaas die moussehorinkies op opdienbordjies met die oop kant onder. Verwyder die papier. Skep die koffiestroop wat jy eenkant gehou het op die borde en sprinkel die jellie en amandelpralien oor.