APPELKOOS-&-SUURLEMOENTERTJIES

LEWER 6-8 TERTJIES / BEREIDING: 30 MIN. GAARMAAK: 30 MIN. / VERKOEL: 2 UUR TERTDOPPIES

500 ml (2 k) koekmeel + ekstra, vir uitrol 250 ml (1 k) versiersuiker

’n knippie sout 150 g koue botter of margarien, in blokkies gesny 1 ekstragroot eier, geklits

VULSEL

fyngerasperde skil van 1 suurlemoen sap van 2 suurlemoene

125 ml (½ k) strooisuiker 50 g botter

2 eiers, geklits 15 ml (1 e) mielieblom, gemeng met 30 ml (2 e) water

AFRONDING

1 x 410 g-blik appelkose in stroop, gedreineer en opgesny soos verkies

30 ml (2 e) heuning, verhit

Bespuit 6-8 mini-tertpannetjies goed met kossproei. Hou ’n vel kleefplastiek en bakpapier byderhand, asook droë bakboontjies of rou rys vir blindbak. Hou ook ’n dubbelkoker of ’n kastrol met ’n noupassende hittebestande glas- of metaalbak byderhand.

1 Tertdoppies Plaas die meel, versiersuiker en sout saam in die bak van ’n voedselverwerker en pols tot goed gemeng.

2 Voeg die botter by en pols tot die mengsel soos broodkrummels lyk. Voeg die eier by en pols tot die mengsel aan die lem begin kleef. 3 Keer die mengsel op ’n meelbestrooide oppervlak uit en druk liggies saam. Vorm ’n deegrol en bedek met kleefplastiek. Laat rus 30 min. in die yskas. 4 Verhit die oond tot 180 °C. Sny die deeg in sirkels van 2 mm dik en voer die bodem en kante van die tertpannetjies daarmee uit. Druk die deeg liggies met jou vingers vas en maak seker dis oral ewe dik.

5 Prik die tertdoppies met ’n vurk en verkoel 30 min. in die yskas.

6 Sny die bakpapier sodat dit binne-in die tertdoppies pas. Vul met die boontjies of rys en blindbak 10 min. Haal die bakpapier en boontjies of rys versigtig uit, en bak die tertdoppies nog 5 min.

7 Laat die doppies vir 5 min. in die pannetjies afkoel, maak die kante versigtig los, keer uit en laat verder op ’n draadrakkie afkoel. Bêre tot 7 dae in ’n lugdigte houer of tot jy dit wil gebruik.

8 Vulsel Verhit ’n bietjie water in die onderkant van die dubbelkoker of in die kastrol. Sit die suurlemoenskil, -sap, suiker en botter in die bokant van die dubbelkoker of in ’n hittebestande bak op die kastrol (die water moenie aan die boonste bak raak wanneer dit kook nie). Roer aanhoudend oor die hitte tot die suiker opgelos is. Haal die bak van die kastrol af. 9 Klits die eiers en mielieblommengsel vinnig by die vulsel in die bak en sit dit dan terug op die kastrol. Klits 7-10 min. aanhoudend of tot die mengsel verdik. Verwyder van die hitte en skep die vulsel in ’n skoon fles of spuitsak. Laat afkoel en verkoel verder in die yskas tot benodig. 10 Afronding Vul die tertdoppies met die vulsel en pak die appelkose boop. Verf liggies met die heuning en sit dadelik voor.