PYNAPPEL-&KLAPPER-VLASKYWE

LEWER ONGEVEER 10-12 PORSIES / BEREIDING: 30 MIN. GAARMAAK: 20 MIN. / STOL: 4-6 UUR / OORNAG VLA

1 x 400 ml-blik klappermelk

500 ml (2 k) volroommelk

125 ml (½ k) vlapoeier

125 ml (½ k) suiker 30 ml (2 e) botter 15 ml (1 e) vanieljegeursel

125 ml (½ k) kookwater

1 x 80 g-sakkie pynappeljellie

AFRONDING

350 g waterbeskuitjies

125 ml (½ k) versiersuiker, gesif 15 ml (1 e) suurlemoensap + ekstra, indien nodig

60 ml (¼ k) fyn klapper

Bespuit ’n tertbak of oondbak van 28 x 22 cm goed met kossproei.

1 Vla Giet die klapper- en volroommelk in ’n diep kastrol en verhit oor matige hitte tot die mengsel op die oppervlak begin stoom. Verwyder van die hitte en hou eenkant. 2 Meng die vlapoeier, suiker en 125 ml (½ k) van die melkmengsel goed, en giet terug in die kastrol by die res van die mengsel. 3 Verhit weer oor matige hitte. Roer aanhoudend tot die mengsel verdik en begin prut – gebruik ’n draadklopper as klonte begin vorm. 4 Roer aanhoudend, en laat die vla 2-3 min. prut of tot dit gaar is en nie meer melerig proe nie. Verwyder van die hitte en roer die botter en vanieljegeursel by.

5 Giet die kookwater by die jelliepoeier en roer tot dit opgelos is. Voeg die jellie by die vlamengsel en meng goed deur.

6 Afronding Pak ’n enkellaag van die beskuitjies in die bereide bak. Skep die helfte van die vla bo-op en versprei versigtig in ’n eweredige laag. Pak nog ’n laag beskuitjies bo-op. Skep die res van die vla bo-op en versprei weer eweredig. Pak laastens nóg ’n enkellaag beskuitjies bo-op. 7 Sodra die vlaskywe kamertemperatuur bereik, verkoel 4-6 uur of oornag in die yskas tot gestol. 8 Meng die versiersuiker en suurlemoensap goed tot ’n gladde en dun versiersel. Drup die versiersel oor die beskuitjielaag en sprinkel die klapper ruimskoots oor. 9 Sny in blokke en skep versigtig uit. Sit dadelik voor, of bêre tot ’n week in die yskas.