YSKASMELKTERT met AMANDELKRUMMEL
LEWER 8-10 PORSIES / BEREIDING: 30 MIN. / GAARMAAK: 15 MIN. STOL: 2-3 UUR / OORNAG KORS
200 g gemmerkoekies of karringmelkbeskuit 100 g botter of margarien, gesmelt
VULSEL
750 ml (3 k) volroommelk 1 kaneelstokkie
1 x 385 g-blik kondensmelk
125 ml (½ k) mielieblom
60 ml (¼ k) water ’n knippie sout 1,25 ml (¼ t) amandelgeursel
OF 5 ml (1 t) vanieljegeursel
2 eiers, geskei
KRUMMEL
50 g geroosterde en gesoute amandels, fyngekap
5 ml (1 t) fyn kaneel
Voer die bodem van ’n 24 cm- ronde losboomtertpan uit met bakpapier en bespuit goed met kossproei.
1 Kors Plaas die koekies of beskuit in die bak van ’n voedselverwerker en pols tot fyn. Voeg die botter of margarien by en meng goed. 2 Druk die kors stewig op die bodem en teen die kante van die tertpan vas. Bêre in die yskas tot benodig.
3 Vulsel Verhit die melk en kaneel in ’n diep kastrol oor lae hitte tot die melk op die oppervlak begin stoom. Voeg die kondensmelk by, meng goed en haal van die hitte af. 4 Meng die mielieblom en water. Skep 60 ml (¼ k) van die melkmengsel by en meng goed.
5 Sit die kastrol terug op die stoof (oor lae hitte) en giet die mielieblommengsel by. Meng goed en roer aanhoudend tot die mengsel verdik en begin prut. Laat prut 2-3 min. oor lae hitte terwyl jy aanhoudend roer. Haal die kaneelstokkie uit. 6 Verwyder van die hitte en roer die sout en amandel- of vanieljegeursel by. Klits die eiergele vinnig by.
7 Klits die eierwitte in ’n skoon bak tot styf. Klits die eierwitte vinnig by die vulsel in en plaas die kastrol terug op die hitte. Klits 2-3 min. oor lae hitte en giet die vulsel in die kors. Smeer gelyk en laat 2-3 uur of oornag in die yskas stol.
8 Krummel Meng die amandels en kaneel. Sprinkel oor die tert, sny in porsies en sit voor.