WATERDRAER
(21 Jan. – 19 Feb.)
LIEFDE EN ROMANSE
Die beste tyd vir romanse is van 16 Februarie tot 11 Maart wanneer die liefdesplaneet, Venus, jou teken besoek. As jou maat se gedrag jou dwars in die krop steek, kan dinge tussen 4 en 28 Augustus breekpunt bereik wanneer Mercurius agteruit deur jou verhouding- en intimiteitsone beweeg. Vir enkellopende Waterdraers kan ’n vurige romanse wag met iemand wat in die onderwys of toerismebedryf werk of dalk van ’n ander land of kultuur is. Dié avontuurlustige mens sal jou hele wêreld transformeer.
GELD EN GELUK
Op 26 Mei verskyn die welvaartsplaneet, Jupiter, in jou geluksone. Die einde van Mei, Junie en Julie is daarom goeie maande om aandele of eiendom te verkoop, vir kompetisies in te skryf of met ’n winsgewende projek te begin. Maar vermy in Augustus en Desember belangrike besluite soos om lenings te vra of kontrakte te sluit wanneer Saturnus dinge in jou geldsone omvergooi. Vriende en finansies is dan ’n twyfelagtige kombinasie.
LEEFSTYL
Albei sonsverduisterings dui ’n nuwe begin aan. Die een in April het met familie of jou plaaslike gemeenskap te doen, en die een in Oktober met reis of studie. Wil jy op ’n droomvakansie gaan of elders gaan woon? Is dit tyd om jou vaardighede uit te brei of iets nuuts te bestudeer? Dink watter aanpassings jy kan maak of watter opwindende opsies jy kan verken. Dis ’n wonderlike jaar om vriendskappe te koester en jou portuurgroep uit te brei. Jy kan ook ’n nuwe baba verwelkom of ’n beter verhouding met ’n kind, tiener of familielid opbou wat jou belangstellings deel.
BEROEMDE WATERDRAERS
Oprah Winfrey, Harry Styles, Jennifer Aniston
LEUSE VIR 2024
“Die grootste avontuur wat jy kan onderneem, is om die lewe van jou drome te lei.” – Oprah Winfrey