RIBBETJIES met TJIPPIE-WAFELS
GENOEG VIR 4-6 MENSE / BEREIDING: 30 MIN. MARINEER: 1-2 UUR OF TOT 3 DAE / STAAN: 30 MIN. GAARMAAK: 1 UUR 30 MIN.
Hierdie ribbetjies kan selfs in die lugbraaier of oor die kole afgerond word.
1 ui, in growwe stukke gesny 1 knoffelhuisie, gekneus
2 naeltjies 2 rooibosteesakkies 1 hoenderaftrekselblokkie 600-750 g varkrib
MARINADE
45 ml (3 e) blatjang 15 ml (1 e) tamatiesous
15 ml (1 e) bruinsuiker
15 ml (1 e) worcestersous
5 ml (1 t) sojasous (opsioneel)
5 ml (1 t) asyn
2,5 ml (½ t) knoffelpoeier
TJIPPIE-WAFELS
6 aartappels, geskil en grofgerasper 2,5 ml (½ t) sout 1 klein botterskorsie, geskil, ontpit en grofgerasper 250 ml (1 k) gerasperde cheddar 60 ml (¼ k) meel 2 eiers, geklits
AFRONDING
kleefwerende kossproei of olyfolie-kossproei seesoutvlokkies (opsioneel) gekapte vars pietersielie (opsioneel)
Hou ’n wafelmasjien en ’n marineerbak met ’n deksel byderhand. Sit ’n noupassende draadrakkie op ’n bakplaat en bespuit goed met kossproei.
1 Verhit ’n groot kastrol water tot kookpunt. Voeg die ui, knoffel, naeltjies, teesakkies en aftreksel by. Meng goed en laat prut 5 min. Sny die rib kleiner (sodat die stukke in die kastrol sal pas) en plaas dit in die kookvloeistof – die ribbetjies moet heeltemal bedek wees, of voeg andersins nog water by. 2 Verhit tot kookpunt, verlaag daarna die hitte en laat die ribbetjies 45 min. oor matige hitte prut of tot net sag. 3 Haal die ribbetjies uit die kastrol en pak in ’n plat bak, giet 250 ml (1 k) van die kookvloeistof oor, bedek en laat heeltemal afkoel.
4 Marinade Plaas alles saam in ’n klein kastrol. Verhit oor matige hitte en roer
WENK
VIR NÁ SKOOL Hou van dié klaargaar ribbetjies gereed as peuselhappie ná skool. Rooster dit 8-10 min. in ’n lugbraaier teen 200 °C.
aanhoudend tot die suiker opgelos is. Haal van die hitte af en hou eenkant.
5 Haal die afgekoelde ribbetjies uit die vloeistof uit en sny in enkelribbetjies. Pak die ribbetjies in die marineerbak en giet die marinade oor. (Maak seker die ribbetjies is goed bedek.) Sit die deksel van die bak op en marineer 1-2 uur, of tot jy dit wil afrond, in die yskas (tot 3 dae).
6 Wafels Sprinkel die sout oor die gerasperde aartappels en skep dit in ’n vergiettes. Laat staan 15 min. en druk dan enige oortollige vloeistof uit.
7 Meng die gedreineerde aartappel en die res van die wafelbestanddele goed en laat staan 15 min.
8 Afronding Voorverhit die oond tot 230 °C. Haal die ribbetjies uit die marinade uit en pak in ’n enkellaag op die draadrakkie. Rooster dit 10-15 min. of tot die marinade lekker taai aan die ribbetjies kleef (jy kan die ribbetjies af en toe met die orige marinade verf) in die oond.
9 Verhit die wafelmasjien en bespuit goed met die kossproei. Skep van die wafelmengsel in die wafelmaker, versprei eweredig en maak die masjien toe. Braai tot ligbruin en bros aan albei kante. Maak die wafels versigtig los, skep uit en herhaal met die res van die vulsel.
10 Geur die wafels met ’n bietjie seesout en pietersielie indien verkies, en sit voor saam met die ribbetjies.