ALLES-IN-EENPIESANGMUFFINS
LEWER 12 MUFFINS / BEREIDING: 30 MIN. BAK: 15-20 MIN.
125 ml (½ k) hawermout
2-3 ryp piesangs, fyngedruk
60 ml (¼ k) ligbruinsuiker 60 ml (¼ k) heuning of nog ligbruinsuiker 125 ml (½ k) karringmelk 2 eiers, geklits 15 ml (1 e) vanieljegeursel
500 ml (2 k) koekmeel
5 ml (1 t) bakpoeier 5 ml (1 t) koeksoda 2,5 ml (½ t) fyn kaneel
’n knippie sout 60 ml (¼ k) geroosterde sonneblomsaad (opsioneel)
50 g neute, gekap (opsioneel)
AFRONDING
15 ml (1 e) hawermout (opsioneel)
Voorverhit die oond tot 180 °C. Bespuit die 12 holtes van ’n muffinpan goed met kossproei, of voer die holtes met muffinpapierdoppies uit en bespuit ook met kossproei. 1 Plaas die hawermout in die bak van ’n voedselverwerker en pols tot fyn. Hou eenkant.
2 Klits die piesang, suiker en heuning (of nog suiker) saam tot goed gemeng. 3 Voeg die karringmelk, eiers en geursel by en klits tot gemeng.
4 Sif die koekmeel, bakpoeier, koeksoda, kaneel en sout saam. Voeg die piesangmengsel en fyn hawermout by en klits tot net gemeng.
5 Voeg die sonneblomsaad en neute by indien gebruik, en meng liggies met ’n lepel deur.
6 Afronding Verdeel die beslag tussen die muffinpanholtes, sprinkel die hawermout oor indien gebruik, en bak 15-20 min. of tot gaar, goed uitgerys en tot ’n toetspen skoon uit die middel van die muffins kom wanneer jy dit toets. 7 Laat die muffins 5 min. in die pan afkoel, haal versigtig uit en laat verder op ’n draadrak afkoel. Bêre tot 5 dae lank in ’n lugdigte houer. (Bêre in die yskas op warm somersdae.)
WENK
BÊRE-WENK Vries die muffins tot ’n maand lank in individuele sakkies. Haal die muffins ’n uur vooraf uit, ontdooi en mikrogolf dit warm.