SOET-SUUR VIS

GENOEG VIR 4-6 MENSE / BEREIDING: 20 MIN. / GAARMAAK: 30 MIN. / STAAN: 1 UUR

Die soet-suur pynappel-groentesousie is heerlik saam met brosgebraaide stukkies vis. Die tempurabeslag is lekker lig.

TEMPURA-BESLAG

250 ml (1 k) bruismeel

’n knippie sout

160 ml ( ²⁄₃ k) koue vonkelwater

10 ml (2 t) olie 2 eierwitte

SOUS

olie

125 g wortels, skoongeskraap, in julienne-repies gesny

’n halwe rooi en groen soetrissie elk, in julienne-repies gesny 3 knoffelhuisies, in dun repies gesny 3 cm-stuk gemmerwortel, in juliennerepies gesny 2 brandrissies, ontpit en gekap ’n vars driekwartpynappel, in lang stokkies gesny 30 ml (2 e) sesamolie (opsioneel)

60 ml (¼ k) rysasyn

60 ml (¼ k) sojasous

5 ml (1 t) vissous 60 ml (¼ k) bruinsuiker

15-30 ml (1-2 e) suurlemoensap

’n hand vol gekapte koljanderblare

VIS

800 g stokvismootjies, ontdooi en in blokkies gesny

sout en peper

olie vir diepbraai

VIR VOORSIT

noedels of jasmynrys met sesamsaad

1 Tempura-beslag Meng die bruismeel en sout, voeg die water en olie by, en klits goed tot glad. Laat staan ’n uur.

2 Klits die eierwitte net voor jy dit benodig styf en vou by die beslag in.

3 Sous Verhit ’n bietjie olie en roerbraai die wortels, soetrissies, knoffel, gemmerwortel en brandrissies effens tot net sag maar nog baie bros.

4 Voeg die pynappel en res van die sousbestanddele buiten die suurlemoensap en koljanderblare by, en bring tot kookpunt. Laat prut sowat 5-10 min. tot stroperig en geurig. Voeg die suurlemoensap en koljander by.

5 Vis Geur die vis met die sout en peper en doop die visblokkies in die beslag. 6 Verhit genoeg olie in ’n diep kastrol en braai die visblokkies in sarsies tot goudbruin en gaar. Dreineer op kombuispapier.

6 Skep lae vis en sous in ’n vlak opskepskottel en sprinkel nog koljanderblare oor.

7 Vir voorsit Sit voor saam met die noedels of jasmynrys waarby sesamsaad ingeroer is.