Tradisionele CHAKALAKA met BOONTJIES
GENOEG VIR 6 MENSE / BEREIDING: 15 MIN. / GAARMAAK: 45 MIN.
Dié chakalaka is eg Suid-Afrikaans. Sit dit voor saam met braaivleis, stywepap, krummelpap of enige ander bykos van jou keuse.
5 ml (1 t) komynsaad 15 ml (1 e) koljandersaad
30 ml (2 e) olie ½ elk groen, geel en rooi soetrissie, ontpit en in repe gesny
2 uie, in skyfies gesny
2-4 knoffelhuisies, gekap
5 cm vars gemmer, fyngekap 2-3 brandrissies, gekap (opsioneel) 750 ml (3 k) of ½ kopkool, fyngesnipper
3-4 wortels, geskil en grofgerasper 15 ml (1 e) geroosterde masala
5 ml (1 t) borrie
5 ml (1 t) paprika 1 klein botterskorsie, geskil, ontpit en in klein blokkies gesny 250 ml (1 k) groente- of hoenderaftreksel
1 x 410 g-blik gekapte tamaties
1 x 410 g-blik gebakte boontjies in tamatiesous
15 ml (1 e) bruinsuiker
5 ml (1 t) witwynasyn sout en vars gemaalde swartpeper, na smaak VIR VOORSIT
boerewors, gaar gebraai bykos van jou keuse
1 Rooster die komynen koljandersaad in ’n droë pan tot geurig en tot die saadjies liggies begin verkleur. Skep uit, laat afkoel en maal grof.
2 Verhit die helfte van die olie in ’n kastrol en braai die soetrissies vir ’n paar minute oor matige hitte tot sag. Skep uit en hou eenkant. 3 Giet die res van die olie in die kastrol en braai die uie ook tot sag. Voeg die knoffel, gemmer en brandrissies, indien gebruik, by en roerbraai tot geurig.
4 Voeg die kool en wortels by en roerbraai 5-10 min. of tot die kool begin versag. Roer die masala, borrie en paprika by. 5 Voeg die botterskorsie by en giet die aftreksel oor. Bring tot kookpunt, verlaag die hitte en laat prut 10-15 min. of tot die botterskorsie gaar is. Roer af en toe sodat dit nie aanbrand nie, en voeg ’n bietjie water by indien die mengsel té vinnig droog kook.
6 Voeg die tamatie by, roer goed en laat prut nog 5 min. oor matige hitte. Roer die gebakte boontjies, suiker en asyn by en laat prut nog ’n paar minute. Geur met die sout en peper. 7 Vir voorsit Sit die chakalaka voor saam met die gebraaide boerewors en enige ander bykosse van jou keuse.