In Charles Darwin se spore
’NONGEWONE skip op ’n buitengewone tog het sowat twee weke gelede in die hawe Stanley by die Falklandeilande vasgemeer.
Die Oosterschelde is ’n 106 jaar oue driemas-seilskip op ’n sending van twee jaar waarin dit op die spore van die natuurnavorser Charles Darwin teruggaan – byna 200 jaar nadat hy ysygroot sy groot re reis op die HMS Beagle onderneem het wat grootliks as inspirasie vir sy evolusieteorie gedien het.
Die skip het vyf maande gelede uit Plymouth in Engeland vertrek op ’n vereenvoudigde weergawe van Darwin se roete, van Engeland tot Australië. Dit sal eindelik 32 hawens om die wêreld aandoen.
Die doel is dat dié epiese tog jong bewaringsgesindes sal inspireer en help bemagtig.
Volgens Stewart McPherson, medestigter van die Darwin200 Global Voyage, is dit buiten Darwin ook geïnspireer deur ’n ontmoeting met Fred Burton, ’n omgewingsbewaarder op die Kaaimanseilande aan wie die oorlewing van die blou iguana grootliks te danke was.
“Darwin het die wêreld met sy insig verander,” het Stewart gesê. Die hoofboodskap van Darwin200, reken hy, is dat “dit nooit te laat” vir ons planeet is nie. “Dis binne ons vermoë om baie ongelooflike spesies te red en die wêreld in die toekoms ten goede te verander.”
Die Oosterschelde se bemanning sluit spesialiste soos ’n voëlkundige, mariene bioloog en wetenskapsopvoeder in, maar groepe “Darwinleiers” sal ook by elke hawe by hulle aansluit – jong mense wat gekies is oor hul passie vir natuurbewaring en hul eie pogings om die Aarde te help beskerm. Sowat 200 van hulle sal aan Darwin200 se bewaringsleierskapsprogram deelneem.